Меню
16+

Сетевое издание "Району яшаву"  «Будни района»

20.08.2021 09:20 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Шаирни эсделигине багъышланып...

Автор: Нюрсагьадат Изамутдинова

Август айны 6-нда Къарабудагъгент Баш китапханада орус шаир-классик Александр Блокну эсделигине багъышланып «Читаем Блока с листа» деген ёлугъув оьтгерилди. Ёлугъувда Къарабудагъгент музейни адатлангъан маданият центрыны къуллукъчулары, охувчулар ортакъчылыкъ этди. Баш китапханачы А.Пашаева А.Блокну яшаву ва яратывчулугъу гьакъда хабарлады.

-Август айны 7-нде шаир Александр Блок яшавдан гетгенли 100 йыл тамамлана. Ол 1880-нчи йылны ноябр айыны 28-нде Петербургда тувгъан. Ону атасы философия ва права илмуланы профессору болгъан. Гиччи Александрны уллатасы, белгили ботаник А.И.Бекетов тарбиялагъан. Оьзюгер 5 йыл болагъанда ол шиърулар язмагъа башлагъан. Атасы да шиърулар язма кёп сюеген пагьмулу ва яратывчу адам болгъан. Гимназияны битдирген сонг, Блок Петербургдагъы университетни юридический факультетине охумагъа тюшген, сонг филология факультетге чыкъгъан.

Биринчи шиъру жы­йымны ол студент йылларында чыгъаргъан. Сонггъа таба ону «Стихи о прекрасной даме» деген шиърусу чыкъгъан.

Арт-артындан ону «Родина», «На поле Куликовом», «Земля в снегу», «Скифы», «Возмездие» деген жыйым китаплары чыкъгъан. Школадан берли бизге танывлу «Двенадцать» деген поэмасы барыгъызны да эсиндедир…

Белгили шаир А.Блок 1921-нчи йылны август айыны 7-нде яшавдан гетген,-деп хабарлай ол.

Сонг «Читаем Блока с листа» деген онлайн-акция оьтгерилди. Китапхананы актив охувчулары «О доблестях, о подвигах, о славе» деген шиъруну охудулар.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2