Меню
16+

Сетевое издание "Району яшаву"  «Будни района»

13.08.2021 10:50 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гьисапгъа алынма тарыкъ

Автор: Багьавутдин Самадов

10-нчу августда, талатгюн, оьтгерилген район администрацияны аппаратыны гезикли генгешинде ЕГРН-ге топуракъ гесеклер, капитал къурулуш биналар ва оьзге къурулушлар гьисапгъа алынмагъа та­рыкълыгъы гьакъда айтылды.

Генгешни ишинде район администрацияны бёлюклерини ёлбашчылары ва районну ичиндеги юртланы башчылары оьзлени ортакъчылыгъын болдурду.

Генгешни ачгъан ва юрютген район администрацияны башчысыны 1-нчи орнубасары Ибрагьим Абдулмежитов ДР-деги Росреестрни Управлениесини Каспийск муниципалара ёлбашчысыны орунбасары Маржанат Абакарованы арагъа салынып ойлашылагъан масъалагъа гёре сёйлемеге чакъырды.

«Къарабудагъгент районну топуракъларында ЕГРН системада есилери мекенлешдирилмеге тарыкъ 23323 топуракъ гесек, 3827 капитал къурулуш биналар ва 237 ­оьзге биналар бар.

2021-нчи йылны июнь айыны 29-нда гючге гирген 518 номерли федерал законгъа гёре, ерли администрациялар топуракъ гесеклени, капитал къурулуш биналаны ва ­оьзге биналаны есилерин тапмагъа ва оланы ЕГРН-ге гийирмеге ихтияры бар», — деп айтды оьзюню сёзюнде М.Абакарова.

1998-нчи йылны январ айны 31-и болгъунча топуракъ гесеклеге ихтиярлыгъы барлагъа алдан берли ихтияры бар деп гьисапланагъаны саялы, шоланы гьисапгъа алыв пачалыкъ пошлина тёленмейли, гьавайын этилегенин М.Абакарова ачыкълашдырды.

Олай да, оьзюню сёйлевюнде ол юрт админстрацияланы башчыларына шу масъаланы гьакъында гьаракат этип ишлемеге ва халкъны арасында генг кюйде англатыв иш юрютмеге таклиф этди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2