Гьюрметли районлуларым!
Гьакъ юрекден сизин етишип гелеген Янгы 2022-нчи йыл булан къутлайман. Янгы йылны байрамы – инг яхшы ва бары да халкъ кёп сюеген байрам. Бу байрам агьлюдегилени, инг ювукъ адамланы бир тепсиге жыя, сыкълашдыра, шо дослукъ ва иссилик гележекге инамлыкъны артдыра.
Янгы йылны байрамы – янгы умутланы ва ярыкъ алмашынывланы заманы. Янгы йылны къаршылай туруп, биз кёп яхшылыкъланы къаравуллайбыз, гелеген йыл гетегенинден эсе яхшы болур деп инанабыз, умут этебиз.
Янгы йылда, адатлангъан кюйде, бир-биревню къутлайбыз, яхшылыкълар ёрайбыз, оьтген йылны гьасиллерин чыгъарабыз, гележекге планлар къурабыз. Гетип барагъан йылда гьар бир якъдан кёп янгылыкълар, яхшылыкълар булан бирче пашман гюнлер де болду…Янгы йылда шолай гюнлерибиз болмасын!
Барыгъызгъа да кёп яхшылыкълар, разилишив, парахатлыкъ ва насип ёрайман. Янгы йылда сизин уьстюнлюклер, моллукъ, аманлыкъ гьар даим къуршасын! Сизге къатты савлукъ ва оьрлюклер ёрайман.
Магьмут Амиралиев, “Къарабудагъгент район” муниципал районну башчысы
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
