Меню
16+

Сетевое издание "Району яшаву"  «Будни района»

03.12.2021 09:47 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

“Оьзюгюзню савлугъу­гъузну гьайын этигиз”

ДР-ни ат къазангъан физкультура къуллукъчусу, тренер, 45 йыл стажы булангъы педагог Абусайит Алиев коронавирусгъа къаршы вакцина этдиривню гьакъында булай айта:

«2020-нчы йылда мен ­оьзюм ва мени уьягьлюм коронавирус аврувдан аврудукъ. Шо заман биз больницада ятдыкъ. Арадан 6 ай оьтюп, мен къанымны анализин бердим ва къаркъарамны аврувгъа къаршы антителамны тергетдим. Докторлар айтагъан кюйде, шо антителамны санаву яхшы гётеринки эди. Болса да, авругъаныма ва антителаны санаву уллу экенине къарамайлы, мен вакцина этдирдим. Айтагъаным, «Спутник V» деген вакцинаны эки де прививкасын алдым.

Мени таклифиме гёре уьягьлюм, яшларым ва 18 йылдан оьмюрю уллу торунларым да вакцинаны этдирди.

Белгили кюйде, эгер биз аврусакъ, дестине докторлагъа барабыз, олардан кёмек излейбиз. Коронавирус аврувгъа къаршы оланы таклифлерин ва вакцина этдирмекни чакъырывларын неге гери урмагъа тарыкъбыз?! Олар аврувланы, дарманланы ва аврувгъа къаршы этилеген лечениени бизден эсе юз ва минг керен артыкъ биле чи!

Магъа 71 йыл бола. Мен билим берив ва спорт тармакъларда загьмат тёгегеним – 45 йыл. Шоллукъда, яшлар булан мени кёп къатнавум бар. Шо саялы да, мен янгыз оьзюмню тюгюл, яшланы ва оьзгелени савлугъуну гьайында турмагъа борчлуман.

Гьюрметли ёлдашлар! Районубузну, республикабызны ва элибизни ёлбашчылары бизин савлугъубуз саялы чалышмай деп, бир де эсигизге гелмесин. Гьакъыкъатда иш шолай эди буса, олар бизин гьайыбызны этмес эди, коронавирус аврувгъа къаршы уколлар этдирмеге чакъырмас эди. Сиз танымайгъан интернетдеги докторларбыз деп таклифлер берегенлеге тынгламагъа тюшмей. Бизин оьзюбюзню яныбыздагъы ­докторлар бизин гьайыбызны этегенин унутмагъа ярамай!

Оьзюгюзню ва дос-къардашыгъызны сакъламагъа чакъыраман, парахат ва насип яшав ёрайман, вакцина этдиригиз деп таклиф этемен», — дей тренер ва педагог Абусайит Алиев.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2