9 янгы автобус
Алдагъы гюнлерде республикабызны тахшагьары Магьачкъаланы ДР-ни Башчысыны ва Гьукуматыны бинасыны алдындагъы майданчасында республикабызны 116 школасына янгы автобуслар ва микроавтобуслар савгъат этилди. Шо автобуслар РФ-ни Гьукуматыны хас буйругъу булан федерал бюджетден гёрсетилген харжгъа гёре берилген.
Шоллукъда, алдагъы гюнлерде Къарабудагъгент районну 9 школасына шолай янгы автобуслар тапшурулду. Шо шатлы чара район администрацияны алдындагъы майданчада оьтгерилди.
«Артдагъы йылланы боюнда районубузну школаларыны автобуслары янгыртыла юрюй. Айтагъаным, школагъа барагъан яшлар учун аманлыкъ болдурмакъ муратда янгы автобуслар ва микроавтобуслар алынгъан.
Автобусну гьайдавчулагъа гьар заман яшланы савлугъуну ва аманлыгъыны гьайында турмакъны тилей туруп, сиз ёл юрюшдеги низамланы (ПДД) сакълай ва якълай туруп ишлер деп инанаман», — деди районну башчысы Магьмут Амиралиев школаланы директорлары ва автобусланы гьайдавчулары булангъы шо ёлугъувда.
Шо гюн микроавтобуслар Къарабудагъгент гимназиягъа, Къарабудагъгент 2, Дёргели 1, Зеленоморск, Губден, Къурбуки 2, Уллубийавул, Манасгент ва Гьели орта школалагъа савгъат этилди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
