Семинар оьтгерилди
Алдагъы гюнлерде «Къарабудагъгент район» муниципал районну яшёрюмлеге ва социал сиясат ишлеге къарайгъан бёлюгю район билим берив управление булан бирче райондагъы билим берив ожакъланы вожатыйлары учун семинар-генгеш оьтгерген. Семинарда школаланы охувчуларын-волонтёрларын РДШ-ни волонтёрларыны ишине нечик къуршамагъа болагъаны гьакъда айтылгъан.
Генгешни гиришив сёз булан башлагъан районну яшёрюмлерини ва социал сиясат бёлюгюню ёлбашчысы Гюлжанат Темирова яшёрюмлени, охувчуланы тарбиялавда вожатыйланы ролю гёрмекли экенин эсгерген.
Семинар-генгешни ишинде вожатыйлар Россияны «доброволецлерини» иши булан таныш болгъан. Бёлюкню алдынлы касбучусу Лайла Исрапилова волонтёрлар ва организаторлар сайтда регистрация нечик этме болагъанын англатгъан. Олай да, генгешни барышында оьзлени проектлерин онгарма ва проектлери булан тюрлю грант-конкурсларда ортакъчылыкъ этме болагъаны гьакъда айтылгъан. Семинарны къурумчулары вожатый педагог гьисапда яшёрюмлени арасында психология- педагогига якъдан кёмегин болдурма тарыгъын айтгъан. Олар охувчулагъа, яшёрюмлеге гьар-бир затны англамагъа, оьсмеге, оьзлени билимлерин ва пагьмуларын арагъа чыгъармагъа кёмеклешме тарыкъ.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
