Меню
16+

Сетевое издание "Району яшаву"  «Будни района»

26.11.2021 10:34 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Гьайванчыланы жыйыны болду

Ноябр айны 18-нде районну юрт хозяйство управлениесинде къурумну касбучуларыны ортакъчылыкъ этивю булан районну гьайванчыларыны жыйыны болду.

Чараны ортакъчылары Дагъыстан республиканы юрт хозяйство ва сурсат министерлигинден таба сют ва сют продукция болдурагъанлагъа гьукуматны янындан этилеген кёмек ва якълав программагъа ва ондан къайры да районда жамият гьайванлагъа къатты, сувлу, тири емлер топлав ва гьайванланы къышлавуну барышын арагъа салып ойлашды.

Оьтгерилген чарада районну юрт хозяйство управлениесини ёлбашчысыны орунбасары Магьаммат­закир Нухов оьзюню сёйлевюнде ­жыйылгъанлагъа жамият гьайванлагъа токъ къышлав болдурмакъ учун емлер топлавда чыкъгъан харжланы гесегин къайтармакъ учун пачалыкъны янындан гёрсетилеген субсидияланы шартларын малим этди. Шоллукъда, программада хозяйстволар, гьайванчылыкъ булан машгъул фермерлер емлер топламакъ учун чыгъаргъан харжланы 50 процентин субсидия эте.

Районну юрт хозяйство управлениесини баш зоотехниги Мурза Алиев оьзюню сёйлевюнде районда жамият гьайванлагъа токъ къышлав болдурмакъ учун топлангъан къатты, сувлу, тири емлени къадарын, гьайванлар гиреген биналаны къышгъа гьазирлигин, гьайванланы къышлавуну барышын аян этди.

Оьзюню сёзюн тамамлай туруп, баш зоотехник районну гьайванчыларын программаны имканлыкъларындан пайдаланма чакъырды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

5