Меню
16+

Сетевое издание "Району яшаву"  «Будни района»

19.11.2021 10:07 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Врачлар булан ёлугъув

12-нчи ноябрде Къарабудагъгент районну башчысы Магьмут Амиралиев районну юртларындагъы участка больницаларыны ва ФАП-ларыны врачлары булан ёлукъгъан ва адамлагъа вакцина этдиривню масъаласын арагъа салып ойлашгъан.

Вакцина этдирив Къарабудагъгент районда бек осал юрюле. Район администрацияны ва медицина къуллукъчуланы янындан нечакъы гьаракат этилсе де, районда вакцина этдиргенлени санаву 8500-ге етишген. Шо буса районну халкъыны 20 проценти де вакцина этдирмегенин аян эте.

«Кёбюсю халкъ гёз алдында авруйгъанлар, оьлегенлер болгъанда да, вакцина этдиривге жаваплы янашмай. Къардашларыны, ювукъларыны арасында авруйгъанлар болгъанда да вакцинаны пайдасына инанмай. Интернетлерде гёрсетилеген ялгъан роликлеге буса инана. Вакцина этдирмейгенлени кёп яны не себепден ону этдирме сюймейгенин англатма да болмай.

Юртлулагъа, гьар уьйге гирип, вакцина этдирмеге герегин англатмагъа тарыкъ. Буссагьатгъы заман гьар юртда коронавирусдан авруйгъанланы, оьлгенлени атларын эсгерип, аврувну къоркъунчлугъун англатма, яман аврув ювукъда экенни, ондан аврума болагъанны, вакцина этген адам аврувну енгил гётережегин англатма тарыкъ», — дей районну башчысы М.Амиралиев.

«Гьар уьйге гирип англатыв ишлени юрютюгюз. Айрокъда 60 йыл битген чагъындагъылар, гьар тюрлю аврувлары булангъы адамлар вакцина этдирмеге тарыкъ», — дей Къарабудагъгент ЦРБ-ни баш врачы Расул Гьиравов.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2