Комиссия иш гёре
Талатгюн, октябр айны 12-нде, район администрацияны башчысыны 1-нчи орунбасары Ибрагьим Абдулмежитовну иш кабинетинде ону оьзюню ёлбашчылыгъы булан Бютюнроссия ватандашланы санавун алыв (ВПН – 2020) чараны барышы гьакъда районну администрациясыны хас комиссиясыны генгеши оьтгерилди.
Генгешни аввалында И.Абдулмежитов берген баянлыкълагъа гёре, ВПН-2020, коронавирус аврув себепли болуп, 1 йыл артгъа теберилди. Демек, 2020-нчы йыл оьтгерилмеге тарыкълы пачалыкъны оьлчевюндеги шо иш, 2021-нчи йылны ахырында оьтгерилмеге белгиленген. Ол район комиссияны уьюрлерине шо масъалагъа жаваплы янашмагъа ва законгъа къыйышывлу кюйде юрютмеге таклиф этди.
Дагъыстаны Къарабудагъгент район бёлюгюню ёлбашчысы Нажмулгьуда Гьасанов Бютюнроссия ватандашланы санавун алыв (ВПН -2020) ишни гьакъында мекенли баянлыкълар берди. Ачыкълашдырып айтсакъ, ВПН-2020 октябр айны 15-ден ноябр айны 14-ю ахшам болгъунча оьтгерилежек.
Шо чараны тюзевлю ва ёрукълу оьтгермек муратда район администрацияны хас комиссиясы къурулгъан. Олай да, районну ичинде 27 контролёр ва 161 переписчик бар. Шолар адамланы санавун алыв ишни гьар кимни уьй-абзарына гирип, планшетлер къоллап оьтгережек. Демек, ВПН-2020 бюс-бютюнлей гьалиги технологияланы къоллап оьтгерилмеге тарыкъ.
Бютюнроссия ватандашланы санавун алыв (ВПН-2020) ишни оьтгермек учун къурулгъан район администрацияны хас комиссиясыны гьар уьюрюне оьзлер жаваплы юртлар ачыкъ этилди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
