Меню
16+

Сетевое издание "Району яшаву"  «Будни района»

20.09.2019 08:18 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Генгеш оьтгерилди

Автор: Абдуллабек Самадов

Алдагъы гюн Къарабудагъгент районну администрациясында районну депутатларыны советини председателини орунбасары Бекболат Сахаватовну ёлбашчылыгъы булан районда яшайгъан кёп яшлы агьлюлеге ва олай да янгы къурулгъан яш уьягьлюлеге россельхозбанкдан уьйлер къурмакъ яда квартир алмакъ учун енгиллик кредитлер берилегени гьакъда англатыв генгеш оьтгерилди.

Шо генгешде Россельхозбанкны Къарабудагъгентде ерлешген къошум офисини ёлбашчысы Абдулла Абусайитов, УСВН-ни ёлбашчысыны орунбасары Абусупиян Гебеков, КЦСОН-ну бёлюгюню ёлбашчысы Насрутдин Гьиравов, район администрацияны бёлюгюню ёлбашчысы Гюлжанат Темирова ва ­оьзге ёлдашлар ортакъчылыкъ этдилер. Генгешни Бекболат Сахаватов ачды ва юрютдю. Арагъа салынгъан шо енгиллик кредитлени гьакъында АО Россельхозбанкны ёлбашчысы Абдулла Абусайитов жыйылгъанланы алдында чыгъып сёйледи. Ол генгешни ортакъчыларыны кёп тюрлю соравларына тындырыкълы англатывлар да этип, жаваплар да берди. Ватандашлар, оьрде эсгерил­ген къайдада кредитлер алма, шо гьакъда мекенли маълуматлар билме сюе бусагъыз, Къарабудагъгент юртну ортасында, Буйнакскийни атындагъы орамда ерлешген Россельхозбанкны къошум офисине барып ахтарма боласыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

9