Алдынлы ерлени алгъанлар
Оьтген март айны 31-нден 4-нчю апрелге ерли Москвада 13-14, 15-16, 17-18 йыллыкъ ва оьмюрге дагъы да уллу кочапланы арасында ушу-саньдадан Россия чемпионаты ва биринчилик учунгъу ярышлары юрюлген. Шо ярышларда Къарабудагъгент юртдагъы ДЮСШ-сини тренерлери Уллубий Гьалимовну, Болат Гьажиевни ва Мурат Чунаевни алдында ябушувну къайдаларына уьйренип юрюйген уьюрлерини бир нечелери де ортакъчылыкъ этгенлер ва яхшы натижалар гёрсетип, алдынлы ерлени алгъанлар.
Масала, 15-16 йыллыкъ яш кочапланы арасындан 60 кило авурлукъда ябушгъан Зиявутдин Къазакъбиев – 1-нчи ерни; 17-18 йыллыкъ кочапланы арасындан 52 кило авурлукъда ябушгъан Магьамматхан Салаватов – 1-нчи, 70 кило авурлукъда ябушгъан Руслан Узайыров – 2-нчи, 80 кило авурлукъда ябушгъан Абдулгьалим Нуритдинов – 2-нчи, 56 кило авурлукъда ябушгъан Ражап Алюков буса 3-нчю ерлени къазангъанлар. Эсли спортчуланы арасындан 70 кило авурлукъда ябушгъан Салавутдин Абушев – 1-нчи, 75 кило авурлукъда ябушгъан Ислам Магьамматов, 60 кило авурлукъда ябушгъан Казим Алхасов – булар экиси де шо ярышларда 2-нчи ерлени алгъанлар. Россия ярышланы алдынлыларын ва оланы тренерлерин етишген гезикли уьстюнлюклери булан биз де къутлайбыз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
