Ватан учун!
Уьлкебизни бары да ерлеринде йимик Къарабудагъгент районну Къакъашура 2 номерли орта школасы да Донбасс ва Луганск халкъ уьлкелени ватандашларын, олай да, Украинада юрюлеген хас дав операцияда ортакъчылыкъ этеген Россияны солдатларын якъламакъ муратда «ZaРоссию!» деген бютюнроссия флешмобда ортакъчылыкъ этген.
Флешмобну барышында охувчулар «ZaПобеду!», «ZaНаших!», «ZaПрезидента», «ZaРоссию!», «Своихнебросаем!», «Мывместе», «Нурмагомед Гаджимагомедов – Герой России!» деген язывлар булангъы плакатлары, Россияны байрагъы булан, Россияны халкъын бизин асгерлерибизни якълама, бирлешме чакъырды. Олай да, охувчулар школаны абзарында бешмююшлю Юлдузну ва «Z» гьарпны суратлап тизилди. Охувчу яшлар къолларына Россияны ва Дагъыстанны байракълары, Россияны игити Нюрмагьаммат Гьажимагьамматовну сураты ва Россияны триколоруну тюслерин белгилейген шарлары булан тизилип токътады.
Оьтгерилген чарада эсгерилген школаны 5-11-нчи класларыны охувчулары, клас ёлбашчылары ва педагоглар, демек 100-ден де къолай адам ортакъчылыкъ этди.
Охувчулар булан оьтгерилген шулай чаралар оьсюп гелеген яш наслуну патриот ругьда тарбиялажагъына инанабыз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
