Меню
16+

Сетевое издание "Району яшаву"  «Будни района»

29.04.2022 08:47 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Ана топуракъны гюнюне

Автор: Нюрсагьадат Изамутдинова

Апрель айны 22-нде сагьат 10-нда Къарабудагъгент район адатлангъан маданият Центрда «Бизин бир Дюньябыз бар, башгъасы бир заманда да болмажакъ!», деген экологиягъа багъышлангъан чара оьтгерилди.

Чараны юрютювчюсю инг башлап ону ортакъчыларына Ана топурагъыбызны Халкъара гюнюн белгилевню аслу маънасы гьакъда хабарлады. Яшавда таза топуракъ, таза сув ва таза гьава бизге инг де тарыкъл­ы затлар экенни, оланы аяп сакъламагъа гереклиги гьакъда хабарлады. Байрам гюнню тарихи гьакъда да ол жыйылгъанлагъа англатды. Башлап шо байрам гюн “Терекни гюню” деп апрель айны 22-нде белгилене болгъанны айтды.

-Оьзюгюз ойлашып къарагъыз, ерде терек де, сув да, гьава да болмаса, яшав болармы?! Шо саялы да биз Аллагь берген яхшылыкъланы, ниъматланы аявлап сакълама герекбиз. Табиатны аривлюгюн бузагъан кимдир? Озокъда, адам.

Бир мюгьлетге де ойлашмайлы, адам гесип де, юлкъуп да, батдырып да бола. Шону булан бирче тизип де, къуруп да бажара.

Табиатны аривлюгю яшайгъанлардан гьасил бола. Биз айланагъа рагьмулу янашгъан чакъы, бизге табиатны янындан да шолай рагьмулулукъ болажагъы ачыкъ…-дей чараны юрютювчюсю Барият Исмакова.

Чараны узата туруп, А.Къаплановну атындагъы «Къарабудагъгент» деген эргишилени халкъ хору жыйылгъанлагъа оьзлени йырларын савгъат этди.

Олай да, районну адатлангъан маданият Центрыны йыравлары Абдулазим Найибханов, Патимат Гьюсейнова, Гилянханум Агьматова, Умия Амирова чараны оьзлени йырлары булан безеди.

Чараны тамамлай туруп, ону юрютювчюсю оьзлер оьт­гереген чараларда актив кюйде ортакъчылыкъ этеген Къарабудагъгент 2 номерли орта школаны ёлбашчысы Гьалимат Гьарумовагъа, къурумчусу Мадина Исрапиловагъа ва охувчуларына баракалла билдирди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2