Меню
16+

Сетевое издание "Району яшаву"  «Будни района»

05.03.2022 10:29 Суббота
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Регион бёлюкню секретары

28-нчи февральда тахшагьарны Дослукъ уьюнде «Бирикген Россия» деген партияны Дагъыстан регион бёлюгюню XXXIII конференциясы оьтгерилди. Шо конференцияны партияны регион бёлюгюню секретары, ДР-ни Башчысы Сергей Меликов ачды ва юрютдю. Шо чарада Пачалыкъ Думаны ва Халкъ Жыйыныны депутатлары, ДР-ни Гьукуматыны уьюрлери, регион тергев комиссияны уьюрлери, партияны ерли бёлюклерини ва масса маълумат къуралланы вакиллери ортакъчылыкъ этдилер.

Конференцияны башында Сергей Меликов ону ортакъчыларына «Бирикген Россия» партияны ёлбашчысы Дмитрий Медведевни атындан къутлав кагъызын охуду ва 2021-нчи йылда оьтгерилген сайлавланы гьакъында маълуматлар берди.

«Россияны Президетни Владимир Путин, биз билеген кюйде, «Бирикген Россия» партияны кюрчюсюн салгъан. Шо партия артдагъы 20 йыл­ны узагъында халкъны арасында абур ва гьюрмет къазангъан. Партияны ёлбашчылыгъы булан уьлкебизде ва ватандашланы яшавунда кёп яхшылыкълар ва алгъа барывлар гьис этиле. Шоланы арасында ­янгыз милли проектлени эсгерип къойсакъ да таман», — деп узатды Сергей Меликов оьзюню сёйлевюн.

Ону сёзлерине гёре, Пачалыкъ Думагъа ва Халкъ Жыйынына оьтгерилген сайлавларда дагъыстанлыланы 75-85 проценти «Бирикген Россия» деген партияны кандидатларын якълагъан. Олай да, республиканы бары да муниципал къурулувларында адамлар булан кёп санавда ёлугъувлар, чаралар, пикру алышдырывлар оьтгерилген.

Конференцияны барышында яшыртгъын тавуш берив булан «Бирикген Россия» партияны регион бёлюгюню секретарыны сайлавлары оьтгерилди. Шоллукъда, Сергей Меликов партияны Дагъыстан регион бёлюгюню секретарыны къуллугъуна сайланды.

Гьисап-сайлав конференцияны барышында партияны регион полит­советини янгы составы, ону Президиуму ва регион тергев комиссиясы сайланды.

Шоллукъда, партияны регион бёлюгюню Президиумуна бизин Къарабудагъгент районну башчысы ­Магьмут Амиралиев де сайланды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2