Гьасиллери къувандыра
Февраль айны 24-нден-27-си болгъунча Каспийск шагьарда 2008-2009-нчу йылларда тувгъан яшланы арасында Дагъыстанны зонасында спортну бокс журасындан биринчилик алмакъ учун ярышлар оьтгерилген. Шо ярышларда республиканы оьзге районларыны ДСЮШ-ни уьюрлери йимик, Къарабудагъгент юртну ДСЮШ-ни уьюрлерини бир бёлюгю де ярышларда оьзлени лап яхшы янындан гёрсетме бажаргъанлар.
Шоллукъда, Къарабудагъгент юртну ДСЮШ-ни боксерлары республика зона ярышларда эки алтын ва бир багъыр медаллагъа ес болуп къайтгъанлар.
Таныш болугъуз, муна ярышланы алдынлылары: 44 кило авурлукъда Мурат Атаев 1-нчи, 50 кило авурлукъда Арсланхан Багъатыров биринчи, 48 кило авурлукъда Къамалив Зайнавов 3-нчю ерлеге ес болуп къайтгъанлар.
Спортчуланы ярышлагъа мукъаятлы кюйде гьазирлемек учун, оланы тренери Магьамматали Алиев бары гьюнерин, бажарывлулугъун салып ишлейгени гёрюне.
Биз боксдан республика зона ярышларда алдынлыкъны ва призовой ерни къазангъан спортсменлерибизни гёрмекли уьстюнлюклери булан гьакъ юрекден къутлайбыз. Сонггъу ярышларда да олагъа ва оланы тренерине оьр уьстюнлюклер ёрайбыз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.