Меню
16+

Сетевое издание "Району яшаву"  «Будни района»

25.03.2022 10:32 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Генгеш оьтгерилди

Алдагъы гюнлерде, ачыкълашдырып айтгъанда, 17-нчи мартда, районну башчысы Магьмут Амиралиевни кабинетинде ону ­ёлбашчылыгъы булан ­юртланы халкъын газлашдырыв масъаласы (догазификация) гьакъда генгеш ­оьтгерилди.

Генгешни барышында район администрацияны топуракъ ва мюлк, архиртектура ва къурулуш масъалалагъа къарайгъан, олай да, яшавлукъ коммунал бёлюкню жаваплы къуллукъчулары оьзлени ортакъчылыгъын болдурдулар. Генгешни барышында олар булан янаша газ эксплуатация къуллугъуну ва РОВД-ни ёлбашчылары да ортакъчылыкъ этдилер.

Генгешни вакътисинде районну гьакимбашы Магьмут Амиралиев догазификация масъалагъа гёре берилген заявкаланы гьакъында оьзлени баянлыкълары булан сёйлеген юртланы башчыларына тынг­лады. Сонг ол гётерилген масъалагъа гёре юртланы башчыларына ишни къатты кюйде юрютмеге ва уьстюнлю кюйде тамамламагъа чакъырды.

Генгешни барышында районну башчысы район администрацияны архитектура ва къурулуш бёлюгюню ёлбашчысы Абдулла Гьажиевге адамлар яшайгъан уьйлеге тартылагъан газ быргъыланы схемасын мекенлешдирмеге тапшургъан сонг, топуракъ ва мюлк масъалалагъа къарайгъан бёлюкню ёлбашчысы Солтан Халиловгъа, олай да яшавлукъ-коммунал хозяйство управлениесине юртланы башчылары булан бирликде тарыкълы документлени жыймагъа ва оьз заманында газ къуллугъуна заявкаланы бермеге тарыкълыгъын ташдырды.

Оьтгерилген генгешни барышында районну башчысы Магьмут Амиралиев районда транспорт налогну толуву ва жыйылыву гьакъдагъы масъаланы да гётерди. Демек, М.Амиралиев адамлардан жыйыл­гъан транспорт налог гьар юртгъа йиберилегенин ва шо акъчагъа орамлагъа асфальт салынагъанын бирдагъы керен ачыкълашдырды. Шо ишни ёрукълу юрютмек ва кютмек учун, шогъар жаваплы къуллукъчуланы ишине тюзевлю янашмагъа чакъырды.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3