«Етти тюслю чечек»
Школагъа янгы билим алмагъа юрюйген яшланы билимин артдырмакъ муратда муаллимлер дарсланы оюн ва яшлагъа англамагъа енгил къайдада юрюте. Демек, шолай этсе, олагъа мактапда гечилеген материалны уьйренмеге ва эсинде сакъламагъа тынч болагъаны ачыкъ.
Шоллукъда, алдагъы гюнлерде Къарабудагъгент гимназияны башлапгъы класларыны муаллими Женнет Салаватова 2-нчи «г» класны охувчулары булан гьисап предметден ачыкъ дарс оьтгерди. Шо дарсны аслу мурады – охувчуланы гьисап илмугъа уьйретмек, шо илмугъа байлавлу этип, оланы яшавун енгиллешдирмек.
Дарсны башлагъынча муаллим Женнет Салаватова яшлагъа бир гиччирек ёмакъ айтды. Шо ёмакъдан ачыкъ болгъан кюйде, гьар кимни яшавуну къысматы оьзюню къолунда. Демек, билим алмакъ, ашавун тюзевлю къурмакъ, ишлемек, халкъына пайдалы болмакъ – шулар барысы да адамны оьзюню ихтиярында.
Дарсны вакътисинде яшлагъа гьисап предметни гьакъында олар енгил англайгъан кюйде материалны англатыву юрюлдю. Айтагъаным, «Етти тюслю чечек» деген ёмакъны къоллап, етти тюрлю чечекни ичинде гьисап предметден мисаллар, тапшурувлар чечдилер. Олай да, охувчулар учун проектордан таба кёп тюрлю маълуматлар булан слайдлар гёрсетилди.
Охувчулар учун мисалланы чечивде болагъан къошулагъан, кемийген, чыгъарылагъан ва пайлайгъан гьисапланы амаллары гьакъда айтылды.
Оьтгерилген ачыкъ дарсны гьисабын чыгъара туруп, ону оьтгерген Ж.Салаватова алдына салынгъан мурады яшавгъа чыкъгъаны гьакъда айтды.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
