Меню
16+

Сетевое издание "Району яшаву"  «Будни района»

18.03.2022 09:59 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

… тарчыкълыкъ болмажакъ

Автор: Багьавутдин Самадов

Районну башчысы Магьмут Амиралиевни буйругъу булан хамисгюн, 17-нчи мартда, Манас базардагъы ашамлыкъ ва сурсат продукталаны багьаларына ва шоланы таъмин этивюне байлавлу тергевлер оьтгерилди.

Ачыкълашдырып айтгъанда, юрт хозяйство управлениени башчысы Шагьабутдин Мустапаевни, район ветеринар управлениени ветврачы Алиагъа Гьюсейновну, Россельхознадзорну райондагъы пачалыкъ инспектору Мустапа Темирбековну, олай да район ветеринар управлениени эпизоотический бёлюгюню ёлбашчысы Абдулла Мурзаевни, УСХ-ны алдынлы касбучусу Гьажакъай Гьажиевни ва республика ветеринар управлениени ёлбашчысы Къарачу Амирхановну ортакъчылыкъ этивю булан тергевлер оьтгерилди.

Тергевлени натижасында ачыкъ болгъан кюйде, базардагъы ашам­лыкъ ва сурсат продукцияны багьалары ончакъы гётерилмеген деп айт­сакъ да, бир-бир лап да тарыкълы продукталаны багьалары гётерилген.

Масала, гьайван этни багьасы – 360-400, мал этни багьасы буса – 380-400 манат. Урлукъ майны бир литрлик шишасы 150 манатдан башлана. Къаймакъны багьасы 300-500 манат. Картюшкени багьасы 40-45 манатдан башлана, шогъар ончакъы къошулгъан зат ёкъ. Амма согъанны ва читаны багьасы 25 манатдан 40 гьатта 50 манатгъа ерли гётерилген.

Шекерни багьасы 55 манатдан бир килосу 85-100 манатгъа ерли гётерилген. Ун къапны багьасы да шо еринде деп айтмагъа ярай – 1200-1350 манат. Бир кило каманы багьасы 450 манатдан 850 манатгъа ерли.

Шо гюн ачыкъ болгъаны йимик, базардагъы ашамлыкъ ва сурсат продукцияны къытлыгъы ёкъ. Айтагъаным, адамлар учун ашамлыкъ продукциядан тарчыкълыкъ болмажакъ, амма багьаланы бир ёрукъгъа гелтирсе, бир аз енгил болажакъ.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2