“Халкъым – мени къанатым”
Март айны 3-нде Къарабудагъгент Баш китапханада язывчуну Бютюндюнья гюнюне гёре гьазирленген белгили шаир Узлипат Ибрагьимованы яратывчулугъуна багъышлангъан чара оьтгерилди. Ёлугъувда районну тамазаларыны Советини председатели Абдулгьамит Мамагишиев, районну маданият ва туризм бёлюгюню ёлбашчысы Найида Мурзаева, маданиятны ат къазангъан къуллукъчусу, этнодворну заведующийи Зугьра Абакарова, Къарабудагъгент тарих-эл ахтарыв музейни директору Ханза Алиева, Къарабудагъгент 1 номерли орта школаны муаллимлери ва охувчулары ортакъчылыкъ этди.
Чара башлангъынча жыйылгъанлар У.Ибрагьимованы яратывчулугъуна багъышлангъан китап ва сурат выставкагъа къарап чыкъдылар.
Инг башлап баш китапханачы А.Пашаева охувчуланы белгили язывчу ва журналист Узлипат Ибрагьимованы оьмюрбаяны ва яратывчулугъу булан таныш этди. Сонг сёз берилген А.Мамагишиев, У.Бутаева, З.Абакарова шаирни яшаву ва иш йыллары гьакъда хабарладылар. Олар охувчулагъа шаирни яшав ёллары гьакъда бек къужурлу хабарлады, ону шиъруларыны темаларыны теренлигин эсгерди.
Шаир гьакъда хабарлай туруп, А.Пашаева ол язгъан китапланы атларын эсгерди, оланы маънасы гьакъда сёйледи.
Къарабудагъгент 1 номерли орта школаны охувчулары шаир Узлипат Ибрагьимовагъа багъышлангъан шиъруланы, олай да шаир оьзю язгъан шиъруланы гёнгюнден охудулар.
Сёз берилген белгили шаир, журналист Узлипат Ибрагьимова охувчулагъа оьзюню район газетде ишлеген йыллары, иш уьстде болгъан тюрлю гьалланы, ёлугъувланы гьакъында хабарлады.
Охувчулар шаирни хабарлавларына кёп иштагьлы тынгладылар.
Оьзюню сёйлевюн У.Ибрагьимова шиъруларын охув булан узатды. Жыйылгъанлар шаирни шиъруларына кёп сююп тынгладылар.
Ёлугъувну тамамлай туруп, чараны ортакъчылары шаир булан эсделик суратлар чыгъарды.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
