Унутулмайгъан яра
Февраль айны 17-нде Дёргели юрт китапханада «Акъ турналар» деген клубну ортакъчылары булан «Афгъанистан – унутулмайгъан яра» деген тарих сагьат оьтгерилди. Чара афгъан давну ортакъчылары Ата Магьамматов, Атагиши Балгишиев, Абдулмуъмин Абиляев ёлдашлагъа багъышлангъан эди.
Дёргели юрт китапхананы ёлбашчысы Айшат Изиева оьзюню сёйлевюнде 10 йылгъа ювукъ Афгъанистанда юрюлген давларда совет солдатлар гёрген къыйынлыкъланы, тас этивлени эсгерди. Шо дав агьвалатларда бизин районлулар да ортакъчылыкъ этгени, оланы 5-си ана топурагъына табут булан гелгени гьакъда айта туруп, оланы эсделигине бир минутлукъ шыплыкъ билдирди. Сонг ол Дёргелиден Афгъанистан давгъа гетгенлени атларын эсгерди, олар булан охувчуланы таныш этди. Оланы дав ёллары гьакъда хабарлады. Олар гёрген къыйынлыкъланы эсгере туруп, афгъан давну ортакъчыларына гьар даим гьюрмет этмеге герегин эсгерди.
Сёз берилген муаллимлер, къонакълар да яш уланлар афгъан агьвалатларда намуслу кюйде борчун кютгени, ватанны алдындагъы борчуна амин болгъаны гьакъда айтды.
Сёйлевлерин тамамлай туруп, олар охувчулагъа парахат яшав ёрады, оланы яхшы охумагъа, уллулагъа гьюрметли болмагъа чакъырды. Олай да, оьзлеге абур этип, чара оьтгерген А.Изиевагъа, ортакъчылыкъ этгенлеге баракалла билдирди.
Юрт китапхананы актив охувчулары «Афгъанистан юрегимни аврута…» деген адабият монтажны гёрсетди.Чараны ортакъчылары «Афгъанистан яшланы гёрювюнде» деген яшлар этген сурат выставкагъа къарап чыкъды. Олай да, афгъанлылагъа багъышлангъан китап выставка, гьарисине багъышлангъан альбомлар къаравчуланы тергевюн тартды.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
