«Ана тил – алтын хазна»

Чараны ачып, къо­накълар булан саламлашгъан сонг, ол февраль айны 21-нде ЮНЕСКО-ну къарары булан савлай дюньяда Ана тилни Халкъара гюню белгиленегенни эсгерди. Шогъар гёре ана тилге ва сююмлю къумукъ шаирибиз Нурьяна Арсланованы яратывчулугъуна багъышлангъан чара оьтгерегенин айтды.

-Бизин ана тилибиз бизге алтындан да сыйлы. Биз оьз тилибизни бек аявлап сакълама тарыкъбыз. А.Акаев айтгъанлай: «Тил ягъындан тюз болгъан миллет оьзгелерден гьар заман алда барыр. Тил ягъындан бир къыйыны, бир тетиклиги болгъан миллет оьзгелерден гьар заман артда къалыр».

Гьали бизин къумукъ тилибиз яшлары ташлагъан къарт анагъа ошай. Анасын ташлагъан яшланы бир заман да абуру болмас. Шолай, тилине арт берген миллетни де абуру болмас! Алдагъы вакътилерде Дагъыстандан оьтюп Мычыгъышда, Осетияда, демек кавказ халкълар барысы да бир-бирине къатнайгъан тил, къумукъ тил болгъан. Таза къумукъ тилде язылгъан асарны охуй бусанг яда охуйгъан адамгъа тынглай бусанг, таза асил, гёзел къумукъ тилни табиат бизге савгъат этип бергенге сююнесен…,- деп хабарлай М.Насухова.

Сёз берилген охувчулар: Х. Муталимова, У.Къудашева, Ф.Гьайдарбекова, У. Хангишиева, П.Абукова, Ф.На­сухова къумукъ шаирлерибизни шиъруларын гёнгюнден охудулар.

Сонг чараны ортакъчыларына 9-нчу «а» класны охувчусу Ф.Гьайдарбекова оьзю язгъан «Ана тил» деген сочинениесин охуду. 5-нчи «а» класны охувчулары М. Акъмурзаевни «Не татлидир ана тил!» деген шиърусуна гёре къурулгъан гёрюнюшню гёрсетдилер.

Ю.Къуватова «Къумукъ халкъ»­ деген йырны йырлады.

Сёз берилген 10-нчу класны охувчусу З.Жаватова охувчуланы шаир Н. Арсланованы яратывчулугъу булан таныш этди. Ону шиъруларын охувчулар А.Шамсутдинова, З.Расулова, Гь.Ибадуллаева, З.Жаватова, Ш. Гьажиева, Ф.Насухова гёнгюнден охуду. Аналагъа багъышлангъан йырны Ю.Къуватова ва А.Ибалаева йырлады.

Сёз берилген шаир Н.Арсланова ана тилни асиллиги гьакъда хабарлады, оьзюню чакъырып, тергев этгени саялы, Дёргели 2 номерли школаны коллективине баракалла билдирди.

Сонг сёз берилген школаны директору М.Байсон­гуров, завучу М.Атагишиев, ишни ветераны, психолог З.Шагьвалиева, юрт китапхананы ёлбашчысы А. Изиева ана тилни асиллиги гьакъда маъналы хабарладылар.

Бирдагъы керен сёз берилген Н.Арсланова оьзюню шиъруларын гёнгюнден охуду.

Чараны тамамлай туруп, М.Насухова къонакълагъа, охувчулагъа, чарада ортакъчылыкъ этгени саялы, разилигин билдирди.