Меню
16+

Сетевое издание "Району яшаву"  «Будни района»

08.08.2022 10:00 Понедельник
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Къутлайбыз!

Россия Федерацияны ва Дагъыстан республиканы ат къазангъан врачы, врач-нефролог, А.В.Вишневскийни атындагъы республика клиника больницаны гемодиализ бёлюгюню ёлбашчысы Гьажиева Патиматзагьра Гьажиевна алдагъы гюнлерде ДР-ни Башчысы Сергей Меликовну къолундан «ДР-ни алдындагъы къуллукълары саялы» деген орден алгъан.

Патиматзагьра Гьажиева 1976-нчы йылда Дагъыстан медицина институтну битдирген. Шондан сонг ДМИ-ни базасында хирургиядан интернатураны оьтген.

1978-нчи йылдан 1990-нчы йылгъа ерли реанимация бёлюкде ишлеген.

1978-нчи йылда Москва шагьарда бюйреклени ва гемодиализ салагъан биринчи шагьар больницаны урология бёлюгюнде касбусун камиллешдирген.

1980-нчи йылда Москва шагьарда ЦОЛИУВ-да оператив нефрологияда касбу бажарывлулугъун ташдыргъан.

П.Гьажиева къайратлы загьматы, иш бажарывлулугъу саялы СССР-ни савлукъ сакълав министрлигини янындан баракалла алгъан (приказ № 312-л).

1994-нчю йылда, Дагъыстан республикада къоркъунчлу инфекция аврувну алдын алывда актив кюйде ортакъчылыкъ этгени ва бажарывлулукъ гёрсетгени саялы, РФ-ни савлукъ сакълав министерлигинден П.Гьажиевагъа баракалла билдирген.

Патиматзагьра Гьажиева – къарабудагъгентли. Атасы Гьажи Гьажиев, республика оьлчевде гьар тюрлю жаваплы къуллукъларда ишлеген.

Ол 20 йылдан да къолай ДР-ни сатыв-алыв министерлигини табилигини тюбюндеги сатыв-алыв базаны ёлбашчысы болуп чалышгъан.

Биз Патиматзагьра Гьажиеваны гезикли оьр савгъаты булан къутлайбыз. Ишинде дагъы да уллу уьстюнлюклер, къаркъарасына къатты савлукъ, агьлюсюнде татывлукъ, насип ёрайбыз.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

0