Салам тайлагъа къысыла
Районда бу йылны тюшюмю учун чачылгъан къылчыкълы ашлыкъланы бугюнге 11431 гектаргъа ювугъуну тюшюмю къайтарылып битген. Гьасиллер яман гёрюнмей. Касбучулар береген маълуматлагъа гёре орулгъан тарлавлардан язлыкъ къылчыкълы ашлыкълардан орта гьисапда 23, гюзлюклерден 28 центнер тюшюм къайтарыла.
Ерлерде тюшюмю алынгъан тарлавлагъа комбайнлени арты булан саламны тайлагъа къысагъан прес-подборщиклер гире. Умуми алгъанда, ерлерде таман даражада техника етише. Демек, 40-дан къолай прес-подборщик къуршалгъан. Тайлагъа къысылгъан салам дестине автотранспортгъа юкленип фермаланы къырыйына ташыла.
Буссагьатгъы вакътиде районда ашлыгъы алынгъан 7 минг гектардан къолай майданланы саламы тайлагъа къысылгъан. Хыйлы участкаланы тайлары ташылгъан.
Авлакъ ишлер Гьели юрт муниципал къурулувда къурумлу юрюле. Гьар гюнлер булан мунда ашлыкъланы тюшюмю къайтарывгъа 10-11 комбайн къуршалып иш юрюлдю. Бугюнлерде Гьели юрт муниципал къурулувда ашлыкъларыны тюшюмю къайтарылып битген. Участкаланы саламын тайлагъа къысывда да таман даражада прес-подборщиклер ишлей.
Саламны тайлагъа къысыв, ташыв Губден юрт муниципал къурулувуда да, Къарабудагъгентни авлакъларында да жанлы юрюле деп айтма тюше.
Бугюнлерде саламдан тазалангъан тарлавланы сюрме гиришме де заман болгъан. Бар къара парлардан къайры, дагъы гьеч сюрюв юрюлеген топуракълар гёрюнмей.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
