Гьаж къылгъанлыгъын къутлады
Белгили кюйде, Россияны Федерациясыны Советини Дагъыстандан вакили, рагьмулу юрекли ва чомарт къоллу Сулейман Керимовну рагьмулу фондундан таба Украинада юрюлеген хас дав чарада оьлген бизин асгер къуллукъчуларыбыз учун сыйлы Маккагъа ва Мадинагъа Гьаж борчун къылмагъа оланы дос-къардашы бардылар.
Шоллукъда, алдагъы гюнлерде Къарабудагъгент районну башчысы Магьмут Амиралиев районну жамият палатасыны ёлбашчысы Абдулгьамит Мамагишиевни, район Жыйыныны ёлбашчысыны орунбасары Умар Далгьатовну, олай да, Къарабудагъгент ва Къакъашура юртланы башчылары Магьамматсолтан Гьасановну ва Уллубий Билаловну узатыву булан Украинада юрюлеген хас дав чарада оьлген бизин асгер къуллукъчуларыбыз учун Гьаж къылгъанлар ва оланы дос-къардашы булан ёлукъдулар.
Биз билеген кюйде, бизин райондан беш асгер къуллукъчу Украинада юрюлеген хас дав чарада оьзлени жанын къурбан этген. Оьрде эсгерилген Сулейман Керимовну фондундан таба шо яшлар учун Гьаж къылмагъа оланы дос-къардашы баргъан ва бугюнлерде уьйлерине къайтгъан.
Районну башчысы Магьмут Амиралиев ва ону узатагъанлар Къарабудагъгент ва Къакъашура юртлагъа сапар чыкъгъанлар ва Гьаждан къайтгъанлар булан ёлукъгъанлар.
Шо ёлугъувларда районну гьакимбашы Магьмут Амиралиев оланы сыйлы Гьаж къылгъанлыгъын къутлагъан, шо асгер къуллукъчуланы агьлюлерине, ата-анасына ва дос-къардашына савлукъ, агьлю насип, чыдамлыкъ ёрагъан сонг, республиканы ва районну гьакимлери ва къуллукълары шо агьлюлеге гьаманда оьзлерден болагъан кёмегин этежегин ташдыргъан. Олай да, оланы агьлюлери ва яшлары пачалыкъны янындан гьар тюрлю социал якълав табажагъын ачыкълашдыргъан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.