Меню
16+

Сетевое издание "Району яшаву"  «Будни района»

15.07.2022 10:07 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Налогланы жыйылыву

Автор: Шихав Къайирбеков

Социал-экономика масъалаланы яшавгъа чыгъарыв­да, ерлерде оьзге тюрлю ишлени кютювде, орамланы, оьзге объектлени къурувда налогланы жыйылывундан кёп зат гьасил болагъаны ачыкъ. Шо саялы болма да ярай, бизин районну башчысы Магьмут Амиралиев налог­ланы, тёленмей къалгъан транспорт ва оьзге тюрлю борчланы жыйывгъа даим тергев берип тура, налог­ланы жыйылывуна жаваплы ёлдашланы налогланы жыйывгъа тергевню осаллашдырма ярамайгъанын айтып ва буварып тура.

Июль айны 12-нде район администрацияны аппаратыны гезикли жыйыны болду. Жыйында администрацияны башчысыны орунбасарлары, бёлюклерини ёлбашчылары, юртланы башчылары, райцентрде иш гёреген къурумланы ёлбашчылары оьзлени ортакъчылыгъын болдурдулар.

Жыйынны гиришив сёз булан районну башчысы Магь­мут Амиралиев ачды ва юрютдю. Ол залдагъылар булан саламлашып битген сонг, бирдагъы керен Къурбанбайрам ва этген ибадатлары булан къутлады.

Шо гюнгю чарада районда 2022-нчи йылны оьтген 6 айыны ичинде налогланы ва налоглардан тышгъари жыйывланы толувуна къаралды. Трибунагъа районну башчысыны налогланы жыйылывуна жаваплы орунбасары Сапиюлла Сайитов чакъырылды.

С.Сайитов районда налогланы ва налоглардан тышгъари жыйывланы толуву гьакъдагъв сёзюн булай башлады:

– 2022-нчи йылны оьтген 6 айыны ичинде районну консолидированный бюджетини налоглардан ва налоглардан тышгъари жыйылывуну толуву 94 процент. Демек, план булангъы 160228,2 минг манатны ерине 2022-нчи йылны июль айыны 1-не 150984,8 минг манат жыйылгъан.

Докладчы оьзюню сёйлевюнде къодуланы (пеня), оьзге налог санкцияланы да гьисап­гъа алгъанда физический адамланы мал-матагь, топуракъ, транспорт налогдан борчларын малим этип сёйледи. Умуми алгъанда, С.Сайитовну сёйлевюнден ачыкъ болгъаны йимик, налог тёлевчюлени 354926,3 минг манат борчу бар. Сапиюлла Сайитов налогланы жыйылывуну гьакъында сёзюн узата туруп, мал-матагь, топуракъ налогланы жыйылывуна жаваплы янашгъан юртланы атларын эсгерди. Къарабудагъгент, Манасгент, Агъачавул юртлар мал-матагь, топуракъ налог­ланы жыйывда артда къалагъанын юртланы атларын да аян этип сёйледи.

Сапиюлла Сайитов налогланы, налоглардан тышгъари жыйывланы къадарын артдырмакъ учун гёрюлеген чараланы гьакъында айта туруп, налог къурум, ярашдырыв судлар, районну суд приставлары бир муратгъа къыйышывлу ишлей буса да, толу кюйде натижа бермейгенин эсгерди.

Сапиюлла Сайитов налог­ланы, налоглардан тышгъари жыйывланы яхшылашдырмакъ учун тийиш­ли къуллукълар, юртланы башчылары жавапчылыкъны гьис этип, мал-матагь, топуракъ, транспорт налог­ланы жыйылывун къолайлашдырмакъ учун налог тёлевчюлер булан мекенли ишлеме герегенин, жыйылгъан транспорт налог къайтып ерлеге гелегенин, шо акъча маялар ёлланы, юрт­ланы орамларын онгармакъ учун харжланагъанын мисаллар гелтирип англатма, англатыв ишлени гючлендирме чакъырды.

Чарада районну башчысы М.Амиралиев оьзюню гьасил чыгъарып сёйлевюнде районда налог борчланы жыйылывун дагъыдан-дагъы яхшылышдырмакъ учун бары гьаракатны этме тарыгъын эсгерди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3