…. Ахырынчы гектарланы тюшюмю жыйыла
Баъли бав, баъли бав, бавланы баву. Гертилей де, баъли бизин якъларда биринчилей бишеген авлакъ ниъмат. Артдагъы йылларда районда емиш бавланы майданлары чалт темплер булан оьсе. Буссагьатгъы вакътиде районда къумлу тюшюм береген бавланы майданлары 366 гектар майдагъа етишген. Шону ичинде баъли айрыча ерни тута. 158,6 гектарда баъли бавлар бар. Экинчи ер кюреге – 98,7 га. Сонг геле кокан – 43 га, шаптал – 40,3 га, жиебаъли – 25,4га.
Бу йыл фермерлерибиз къумлу емишлени яхшы тюшюмюн оьсдюргенлер. Бугюнлерде районда баълини ахырынчы гектарларыны тюшюмю къайтарылып тура. Умуми алгъанда, 2330 тон баъли жыйма умут бар. Тереклердеги тюшюмге къарагъанда, айрокъда интенсивный къайдада чачылгъан баъли бавланы тюшюмю яхшы эди.
Ерлерде кюрегени тюшюмю де къайтарыла. Бу авлакъ ниъматны тюшюмю де мол. Бу емиш бирче бишмей. Бише-тёгюле. Шо саялы кёп тас болувлагъа тарый. Кюреге тез бузулагъан емиш. Авлакъ ниъматланы къабул этеген, ишлетеген къурумлар да ёкъ. 2022-нчи йылда 739 тон кюреге къаравуллана.
Гьали базар аралыкълы девюрде яшайбыз ва иш юрютебиз. Шо саялы базарларда тогъа-тартып болагъан жураларын тангламакъны ва орнатмакъны гьайы этилсе яхшы болур.
Бизин районну топуракъларында бар баъли бавлар яхшы журалы, тогъа тартып бола. Шо саялы да, далапчыланы арасында талап бар. Айрокъда, И.Абакаровну, М.Гьайдаровну баъли бавуну журасы яхшы.
2022-нчи йылда районубузну бавчулары умуми алгъанда дёрт минг тоннагъа ювукъ къумлу емишлени тюшюмюн жыйма хыял этелер.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
