«Уьстюнлюкню Байрагъы»
Гьалиден 77 йыл алда, демек, 1945-нчи йылны язбашында дагъылгъан ва бузулгъан Рейхстагны башына бизин совет Къызыл Байракъ къагъылгъан. Шоллукъда, 150-нчи тюбекли дивизияны байрагъы Уьстюнлюкню алынгъанын исбат этген.
Уьстюнлюкню Байрагъы бизин аталарыбызны ва уллаталарыбызны къоччакълыгъын ва игитлигин гёрсетеген айрыча хас белги. Шо тархгъа абур ва гьюрмет эте туруп, «Уьстюнлюкню Байрагъы» деген республика гьаракаты оьтгериле. Шо чарада бугюн арабызда ёкъ уьстюн болгъанлагъа абур ва гьюрмет этиле.
Шо гьаракатны аввалы 30-нчу апрелде Каспийск шагьарда шатлы чаралар булан башланды. Демек, машинлерден ва мотоцикллерден хас колонналар, дав оркестр булан парад оьтгерилди. Шоллукъда, эсгерилген гьаракат май айны 10-у болгъунча бизин республикабызны бары да шагьарларында ва районларында оьтгерилмеге гёз алгъа тутула.
Парахатлыкъ учун ябушмагъа тарыкълыгъын биз билебиз. Шо ябушув янгыз дав майданларда болмай. Айтагъаным, гьакълыкъ, адиллик, Ватанын герти кюйде сюймек – шулар барысы да шо ябушувну кюрчюсю болуп токътай. Бизин халкъыбызны шо хасиятын ва пикрусун оьсюп гелеген наслулагъа бережегибизни ташдырып айтмагъа боламан.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
