Уллу Ватан давну эсделигине
Къарабудагъгент районну Манасгент, Паравул, Зеленоморск, Аданакъ ва Манас юртларыны китапханаларында патриот китапны жумасына багъышлангъан «Уллу Ватан давну гьакъында сёз: дав проза ва лирика» деген чаралагъа гьазирленив юрюле.
Бизин игитлерибизни давдагъы къоччакълыгъыны эсделиги адамланы юреклеринде даимге къалажакъ. Озокъда, Уллу Уьстюнлюк учун берилген багьаны уьлкебизни гьар адамы эсинде сакъламагъа борчлу ва янгы оьсюп гелеген наслу да шо Уьстюнлюк булан оьктем болмагъа герек. Яшлар Уллу Ватан давну гьакъындан китаплардан, ветеранланы ва давну ортакъчыларыны хабарларындан, гьатта кинолардан билмеге бола. Уллу Ватан Давну къыйынлы гюнлери йыл сайын бизден арек гете, амма къазаплы давну ва дав замангъы яшавну къыйынлыкъларын суратлайгъан асарланы агьамиятлыгъы баргъан сайын арта.
Дав гьакъда яшлар учун язылып чыкъгъан китаплар да аз тюгюл. Китапхананы къуллукъчулары онгаргъан чараларда гелген къонакълар булан бирче дав адабиятны инг де маъналы асарларын охужакъ, охулгъан асарланы маънасын арагъа салып чечежек ва дав киноланы гесеклерин тематика слайд-шоу къайдада гёрсетежек.
Патриот тарбиялавдан къайры да, эсгерилген чараны мурады –Ватаныны алдында борчун кютюп, 20-нчы асруну рус адабиятыны оьсювюне уллу къошум этген бир девюрню пагьмулу ва къоччакъ адамларыны яратывчулугъуна тергев бакъдырмакъ.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
