“Бирев де эсден таймагъан...”
Гелеген наслуну патриот ругьда тарбиялав ватандашланы гележеги учун инг де аслу ерде токътагъан. Гиччиден тутуп, яшланы гьар гюнлер булан патриот ругьда тарбиялав ишлер ва чаралар юрютме тарыкъ.
Шо муратгъа кюрчюленип, май айны 5-нде Дёргели юрт адатлангъан маданият Центрында директору Саламат Тагьированы сиптечилиги булан «Бирев де эсден таймагъан, бир зат да унутулмагъан» деген чара оьтгерилди.
Чарада Дёргели юртну «Теремок» деген яшлар бавуну уллу гюбюню тарбиялавчусу Написат Вайилханова ва ону тарбияланывчулары ортакъчылыкъ этди.
Олар Уллу Ватан давда жан бергенлеге салынгъан эсделикге гюллер салды. Сонг уллуланы Уллу Ватан давну гьакъындагъы хабарларына тынгладылар, гёнгюнден шиърулар охудулар.
Биз оьзюбюзню тарихибизни билген, олай да яшлагъа шо гьакъда айтгъан чакъы, оланы патриот гьислери, ватангъа бакъгъан сюювю артажагъы белгили.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.