Меню
16+

Сетевое издание "Району яшаву"  «Будни района»

08.04.2022 09:57 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Баракалла болсун сизге, акъ халатлылар!

Автор: Къарабудагъгент ЦРБ-ни терапия бёлюгюнде савлугъун камиллешдирип чыкъгъан къатынланы атындан Г.Вагьитова ва Зайнап Къазанматова

Биз, Къарабудагъгент район больницаны терапия бёлюгюню 12-нчи паласында ятып, савлугъубузну беклешдирип чыкъгъан Г.Вагьитова ва З. Къазанматова, район больницаны терапия бёлюгюнде ишлейген докторлагъа, медсестралагъа, олай да савлай медицина къуллукъчулагъа, оьзлени алдында авруп ятгъан адамлагъа этеген багъыву, къыйын иши, янашыву, тергевю саялы баракалла билдиребиз.

Бизин палатадагъы аврувлагъа багъагъан врач Зугьра Магьамматовагъа ва старший медсестра Исбаният Юсупбекова-Гьамитовагъа айрыча разилигибизни билдиребиз.

Сизге Аллагь рази болсун, аврувлагъа этеген къуллугъугъуз саялы. Сизин бажарывлу загьматыгъыз герти макътавгъа лайыкълы. Аврувланы англайгъаныгъыз, олагъа янашывугъуз ва тергевюгюз, гёнгюн алагъаныгъыз саялы, сизге баракалла! Аллагь сизге савлукъ ва кёп яхшылыкълар берсин. Барыбыз да билеген кюйде, медицина къуллукъчуланы иши, касбусу инг къыйынларындан санала.

Демек, къыйын касбу да дюр, инг тарыкълы касбу да дюр.

Адам авругъанда, ол док­торлардан кёмек излей, олардан якълав тапмакъ учун оланы алдына бара.

Герти доктор буса авруйгъан адамгъа тюзевлю багъыву, исси сёзю, рагьмулу юреги булан, бажарывлу билими булан бакъса, янашса, авруйгъан адамгъа хыйлы енгиллик бола. Ол сав болажагъына инана, яшавгъа ругьлана.

Зугьра Айнутдиновна тап шолай янашагъан врачланы бириси.

Ол бары да медицина къуллукъчулардан да ишине шолай янашма талап эте.

Бирдагъы керен терапия бёлюкню врачларына, медсестраларына, санитаркаларына, олай да къачан барсанг да, иржайып къаршылайгъан физкабинетни къуллукъчуларына гьакъ юрекден баракалла билдиребиз.

Къарабудагъгент

ЦРБ-ни терапия бёлюгюнде савлугъун камиллешдирип чыкъгъан къатынланы атындан Г.Вагьитова ва Зайнап Къазанматова

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

8