Байрамын белгиледи
Март айны артдагъы гюнлеринде Къарабудагъгент район маданият Центрында Маданият тармакъны къуллукъчуларыны гюнюне багъышланып байрам чара оьтгерилди. Чарада маданиятны къуллукъчулары булан бирче юрт китапхананы, музейни къуллукъчулары да оьзлени ортакъчылыгъын болдурду.
Байрам чараны оьтгермек учун Маданият къаланы фойеси Маданиятны гюнюне багъышлангъан там-газетлер, суратлар, выставкалар тизилип гьазирленген эди.
Район маданият Центрны директоруну кёмеклиги булан тизилип гьазирленген татлиликлер булангъы столланы айланасында бары да жыйылгъанлар ерлешип олтургъан сонг, чараны юрютювчюсю маданиятны къуллукъчуларын оьзлени касбу байрамы булан къутлады.
Сёз берилген, кёп йыллар районну маданият бёлюгюне ёлбашчылыкъ этген, бугюнлерде РЦТК-ни директоруну этнодворгъа къарайгъан орунбасары Зугьра Абакарова бары да маданиятны къуллукъчуларын касбу байрамы булан къутлады, оланы дагъы да яхшы ишлеме, тюрлю масъалалагъа къарамай, халкъны гёнгюн, ругьун гётерип турмагъа чакъырды.
Байрам чараны узата туруп, район маданият Центрны солистлери жыйылгъанлагъа оьзлени йырларын йырладылар.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
