Алдынлы ерлеге ес болгъан

Март айны 31-нден апрель айны 3-не ерли Москвада ушу-саньдадан Россияны биринчилиги учун чемпионат оьтгерилген.

Шо ярышларда 650-ден де къолай спортчулар ортакъчылыкъ этген. Шоланы арасында ортакъчылыкъ этген бизин районлу яш спортчуларыбыз етишген уьстюнлюклер бизин къувандырмай болмай.

Спортчуларыбыз яхшы гьасиллеге етишегени, уьстюнлюклер къазанагъаны булан, биз, озокъда, оьктем болабыз ва кёп сююп оланы атларын эсгеребиз.

Къарабудагъгентден:

2009-2010-нчу йылларда тувгъан яшёрюмлени арасында 45 кило авурлукъда ябушгъан Мугьаммат Гьажиев 2-нчи ерге, 39 кило авурлукъда ябушгъан Салим Давутов 2-нчи ерге ес болгъанлар.

2007-2008-нчи йылларда тувгъан яшёрюмлени арасында 56 кило авурлукъда ябушгъан Гебек Гебеков, 60 кило авурлукъда ябушгъан Гьажиев Жамболат (Гьайбуллаевич) 1-нчи ерлени къазангъанлар.

2005-2006-нчы йылда тувгъан яшёрюмлени арасында 60 кило авурлукъда ябушгъан Умалат Гьажиев (Гьайбуллаевич) 1-нчи, 56 кило авурлукъда ябушгъан Умалат Гьажиев (Магьамматмуъминович) 3-нчю ерлеге ес болгъанлар.

Уллуланы арасында 52 кило авурлукъда ябушгъан Салавутдин Гьюсейнов 1-нчи, 80 кило авурлукъда ябушгъан Салавутдин Абушев 1-нчи, 80 кило авурлукъда ябушгъан Абдулгьалим Нуритдинов 3-нчю ерлени къазангъанлар.

Оланы ябушма тренер Болат Гьажиев уьйрете.

Агъачавулдан:

2007-2008-нчи йылда тувгъан яшёрюмлени арасында 48 кило авурлукъда ябушгъан Алихан Сайитов 1-нчи ерни алгъан. Ону ябушма тренер Арслангьажи Османов уьйрете.

Паравулдан:

2009-2010-нчу йылда тувгъан яшёрюмлени арасында 39 кило авурлукъда ябушгъан Абакар Валиев 1-нчи ерге ес болгъан.

2005-2006-нчы йылда тувгъан яшёрюмлени арасында 45 кило авурлукъда ябушгъан Абакар Азизов 1-нчи ерни алгъан. 2007-2008-нчи йылларда тувгъан яшёрюмлени арасында Ильяс Исламов 2-нчи ерге, Хайрутдин Магьамматов 3-нчю ерге ес болгъанлар.

Оланы ябушма тренерлер Магьамматшапи Мугьутдинов ва Магьамматарип Сулейманов уьйретелер.

Губденден:

2009-2010-нчу йылда тувгъан яшёрюмлени арасында 30 кило авурлукъда ябушгъан Гьасбулла Абдурагьманов 1-нчи ерге ес болгъан. 2007-2008-нчи йылдагъы яшёрюмлени арасында 85 кило авурлукъда ябушгъан Хизри Абусов 1-нчи, 2005-2006-нчы йылда тувгъан яшёрюмлени арасында 42 кило авурлукъда ябушгъан Мугьамматсалам Магьамматрасулов 1-нчи, 75 кило авурлукъда ябушгъан Гъазимагьаммат Агьматов 1-нчи, 85 кило авурлукъда ябушгъан Мугьамматхабип Гьажиев 1-нчи, 65 кило авурлукъда ябушгъан Абдулла Багьавутдинов 1-нчи, 60 кило авурлукъда ябушгъан Мугьамматсолтан Гьасанов 1-нчи ерлени къазангъан.

Оланы ябушма тренер Магьамматали Магьамматов уьйрете.

Биз районну спортчуларын етишген уьстюнлюк­лери булан къутлай туруп, гележекде олагъа дагъы да оьрлюк­леге етишмекни ёрайбыз.