Меню
16+

Сетевое издание "Району яшаву"  «Будни района»

29.04.2022 09:07 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Субботниклер оьтгериле

Автор: Нюрсагьадат Изамутдинова

«Къарабудагъгент район» муниципал районну башчысы Магьмут Амиралиевни тапшурувун яшавгъа чыгъара туруп, апрель айны 16-нда ва 23-нде бютюнрайон субботниклер оьтгерилди.

Шолай 23-нчю апрельде Къарабудагъгент район адатлангъан маданият Центрыны, китапхананы къуллукъчулары оьзлени идарасыны айланасындагъы майданланы тазалады, тереклеге, бордюрлеге киреч чапды, чёп-алагъожаланы жыйды ва ташлады.

«Районну яшаву» газетни къуллукъчулары да шо гюн тазалыкъ болдурув субботник оьтгерди. Демек редакцияны бинасына, тереклеге киреч чапды, бавун, абзарны тазалады.

Тазалыкъ болдурув булкъалар юртну оьзге идараларында да оьтгерилди. Юртлулар оьтгерилеген субботниклерде гёнгюллю кюйде ортакъчылыкъ этди.

Субботниклер районну оьзге юртларында да оьтгерилди.

Апрель айны 23-нде Зеленоморск юртда оьтгерилген тазалыкъ болдурув булкъада юрт администрацияны къуллукъчулары, юрт клубну, китапхананы къуллукъчулары, Зеленоморск школаланы коллективи ва охувчулары, «Лачин» деген яшлар бавуну къуллукъчулары, олай да, юртлулар юртуну гёзеллигин болдурув булкъада актив кюйде ортакъчылыкъ этген.

Уллубийавул юртда да шо гюн оьтгерилген субботникде юрт администрацияны, школаны ва яшлар бавуну коллективлери ва юртлулар ортакъчылыкъ этген. Олар идараларыны айланасыны тазалыгъын болдургъан, тереклеге киреч чапгъан.

Тазалыкъ болдурув субботниклер апрель айны 23-нде Къурбуки юртда да оьт­герилген. «Страна чудес», «Замок детства» деген яшлар бавларыны коллективлери яшлар бавланы абзарларын тазалагъан, сырлар сюртген, гиччирек ремонт ишлер оьтгерген. Юртлулар ва депутатлар юртгъа гиреген ёлну ягъасындагъы тротуарланы онгаргъан, эки якъны тазалыгъын болдургъан. Ёл ягъадагъы тереклеге киречлер чапма башлагъан.

Тазалыкъ болдурув ишлер районну юртларында гелеген сонгугюн де оьтгерилежек. Шо ишге районну бары да халкъы къуршалмагъа тарыкъ. Юртларыбызны, айланабызны тазалыгъы бизге та­рыкъ. Биз этмесек тазалыкъны гьайын, къырдан гелип бирев де этмежек!

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2