Яшлар бавунда чара
2022-нчи йылны апрель айыны 15-нде Къарабудагъгент районну Къарабудагъгент юртундагъы 25 номерли «Аистёнок» деген яшлар бавунда Дагъыстан Республиканы халкъ шаири Фазу Алиеваны эсделигине багъышлангъан чара оьтгерилген.
Чараны аслу мурады – яшлар бавунда тарбияланагъан яшланы тувгъан элине, ону маданиятына тергевюн бакъдырмакъ. Демек, Фазу Алиеваны яратывчулугъуну кёмеги булан яшланы ругь байлыгъын артдырмакъ, тав халкъыбызны адатларын сакъламакъ ва наслу аралыкъланы беклешдирмек.
Оьтгерилген чарада район билим берив управлениени баш касбучусу Г.Бамматова, къатынгишилени Союзуну ёлбашчысы, яшёрюмлени ишлерине ва социал сиясатына къарайгъан бёлюгюню ёлбашчысы Г.Темирова, билим берив управлениени методика бёлюгюню ёлбашчысы Р.Унаева ва Къарабудагъгент юртну оьзге яшлар бавларыны ёлбашчылары Л.Ильясова, Н.Къурбанова, Г.Зайнутдинова ортакъчылыкъ этди.
Чараны барышында яшлар бавунда тарбияланагъан гиччипавлар оьзлени милли бийивлери, сагьналашдырывлары ва Ф.Алиеваны шиъруларын гёнгюнден охув булан къонакъланы шат этдилер.
Чараны ахырында Г.Темирова яшлагъа ва чараны къурумчуларына оьз янындан баракалласын билдире туруп, олагъа ва «Аистёнок» яшлар бавуну ёлбашчысы Сайида Гьажиевагъа Дагъыстанны къатынгишилерини Союзуну Председатели И.Мамутаеваны атындан Баракалла кагъызлар тапшурду.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
