Меню
16+

Сетевое издание "Району яшаву"  «Будни района»

22.04.2022 09:57 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Команда-штаб уьйренивлер оьтдю

Алдагъы гюнлерде юртланы, экономика объектлени ва оьзге социал къурумланы от тюшювлерден къоруп сакъламакъ муратда команда-штаб уьйренивлер оьтгерилди.

Уьйренивлер районну башчысы Магьмут Амиралиевни гиришив сёйлев жыйынындан башланды. Ол чарада ортакъчылыкъ этегенлени бизин районда болуву булан къутлады.

-Къарабудагъгент район – республикада лап уллу районланы бири. Районубузну 143 минг гектар майданы бар, районда 100 мингден де къолай адам яшай,-деди М.Амиралиев.

- Орманлыкъланы майданы 27 минг гектар бар. Ондан къайры да 357 гектарны уьлкю оьсюмлюк­лер елеген. Орманлыкълардан, сагалыкълардан от тюшювлеге 8 юртгъа къоркъунчлукъ тувулуна. Шо саялы да республика агьамияты булангъы команда-штаб уьйренивлер бизин районда оьтгерилегени де негьакъ тюгюл.

От тюшювлени сёндюргюнче, ону алдын алма рагьат.

Бугюн биз, сизин булан бирче алгъасавлу гьал тувулунгъанда не йимик чаралар гёрюлме тарыкъ. Къоркъунчлу ерлерден адамланы нечик къутгъарма, къутгъарылгъан адамлагъа нечик яшавлукъ шартлар болдурма герек къарарбыз.

Команда-штаб уьйренивлени бары да ортакъчыларына къатты савлукъ, загьмат чалышывугъузда уьстюнлюклер, дюньягъа парахатлыкъ ва барлыкъ ёрайман,- деди Магьмут Амиралиев.

Къурбуки юртну ювугъунда Россияны МЧС-ни Дагъыстандагъы баш управлениесини ва Дагъыстанны МЧС-и ондан къайры да къоркъунч­лу гьалланы токъташдырыв ва алдын алывда Бирикген пачалыкъ системаны территория гючлери булан бирликде иш гёрювню ёллары ташдырылды.

Шартлы оттюшюв болгъан ерде Россияны МЧС-ни Дагъыстандагъы баш управлениесини оператив бёлюгю ишледи. Шо ерде ведомст­воара оператив штаб къурулуп, ишлени барышына ёлбашчылыкъ этеген ер-ерден гёчюп ишлейген пункт къуруп иш гёрдю. Уьйренивлени барышында аэромобильный бёлюкню ишине айрыча агьамият бакъдырылды.

Шартлы оттюшювлени сёндюрюв­де Россияны МЧС-ни авияциясы къуршалгъан эди. Вертолёт сувну Каспий денгизден алып от тюшген ерни оьзегине тёкдю. РСЧС-ни бирликде иш гёрювюню натижасында оттюшювлени яйылывуну алды алынды ва от сёндю.

Ондан къайры да якълавчулар (спасатели) авур элементлени кютдюлер. Ми-8 вертолётдан аркъандан таба эниш тюшдюлер, табии хата-балагьларда шартлы зараллангъан ёлдашланы гёчюрювню къайдаларын уьйредилер.

Уьйренивлеге Ахвах, Къазбек, Къаягент, Курах, Магьарамгент, Ногъай, Рутул, Сулейман-Стальск, Тарумов районланы ва Магьачкъала, Къызлар шагьарланы вакиллери де чакъырылып гелген эдилер.

Уьйренивлени гьасиллерин чыгъара туруп ГУ МЧС Россияны Дагъыстандагъы бёлюгюню ёлбашчысы Нариман Къазимагьамматов оьтгерилген чарагъа тийишли багьа берди, КШУ-да ортакъчылыкъ этген бары да службалар, министерстволар, ведомстволар бирликде ишлегенин эсгерген.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3