Меню
16+

Сетевое издание "Району яшаву"  «Будни района»

22.04.2022 09:56 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Cув – бары затны башы

Автор: Шихав Къайирбеков

Бизин район – республикада лап уллу юрт хозяйство районланы бири. Районубузну загьматчылары, гьаманда йимик, гьали де сурсатпродукталар болдурувда сыйлы мердешлени инамлы кюйде давам этелер. Бу далиллени мекенлешдирмек учун гетген йыл бизин районну юрт хозяйство продукталар болдурувчулары 32,26 минг тон ашлыкъ, ачыкъ топуракъда 8,9 минг тон овошлар, 7,4 минг тон емишлер, 19,88 минг тон юзюм болдургъанын эсгерип къойсакъ да юртлуларыбызны загьматы макътавгъа лайыкълы.

Районубузну загьматчылары юрт хозяйство продукталар болдурувда къолда эте гелеген уьстюнлюклери, топуракъланы асувлу къоллав макътавгъа лайыкълы буса да, районубуз республикада сугъарыв сув инг къыт районланы бири. Сув буса мол тюшюмлеге кюрчю салывда – биринчи абат.

Районну башчысы Магьмут Амиралиев районну юрт хозяйство продукталар болдурувчуларыны сувгъа бакъгъан талапларын яшавгъа чыгъармакъ учун этеген гьаракатны да айрыча эсгерме тюше. Ону гьаракаты булан сугъарыв сувну масъалаларын чечмек муратда ерлерде сув кёллер къурма гёз алгъа тутулгъан.

Апрель айны 18-нде районну башчысы М.Амиралиевни ишчи кабинетинде сугъарыв сувну масъаласына гёре чара оьтдю. Чарада ДР-ни «Минмелиоводхоз» ФГБУ-ну ёлбашчысы Залкип Къурбанов, шо къурумну ёлбашчысыны орунбасары Бигиш Чаниев, «Минмелиоводхоз» ФГБУ-ну бизин райондагъы бёлюгюню ёлбашчысы Казбек Гьамзатов ва районну юрт хозяйство управлениесини ёлбашчысы Шагьабитдин Мустапаев ёлдашлар ортакъчылыкъ этдилер.

Чараны ортакъчылары бу йыл районну юрт хозяйство продукталар болдурувчуларын тайышывсуз кюйде сугъарыв сув булан таъмин этив масъалаланы арагъа салып ойлашдылар.

Районну башчысы Магьмут Амиралиев районну загьматчыларын сугъарыв сув булан таъмин этмек учун 1-нчи ва 2-нчи насос станциялагъа мукъаятлы кюйде ремонт этме тарыгъын англатды.

Оьзюню гезигинде ДР-ни ФГБУ «Минмеливодхозуну» ёлбашчысы ­ З. Къурбанов сув къоллавчулар сувгъа дыгъарлар этме, сугъарыв сув дыгъары барлагъа берилежегин аянлашдырды.

Чараны ахырында эки де якъ бир пикирге гелип, районну юрт хозяйст­во продукталар болдурувчуларын тайышывсуз ва толу кюйде сугъарыв сув булан таъмин этмек учун насосланы ва районну ичиндеги сугъарыв системаларыны уьстюне барып, оланы гьалына къарап иш гёрме токъ­ташдылар.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2