Юрекден юрекге
Апрель айны 8-нде Дёргели 1 номерли орта школаны актовый залында Дёргели юрт адатлангъан маданият Центрыны ёлбашчысы С.Тагьированы ва школаны социал педагогу И.Шугьайипованы сиптечилиги булан «Юрекден юрекге» деген рагьмулулукъ гьаракат оьтгерилген.
Оьтгерилген гьаракат юртдагъы етим яшланы, къыйын гьалдагъы кёп яшлы чарасыз агьлюлени якъламакъ, оланы гёнгюн гётермек, олагъа сююв, иссилик, рагьмулулукъ булан бакъмакъ эди.
Чарада Дёргели юртну имамы Б.Акаев, юрт администрацияны башчысы Гь.Мурзаев, муаллимлер, ата-анасыз къалгъан яшланы опекунлары ортакъчылыкъ этдилер.
Чараны барышында яшлагъа сувенирлер савгъат этилди, яшлар Магьаммат пайхамарыбызны (с.а.с.) хадислерине тынгладылар.
Чараны ортакъчылары жамиятны янындан яшлагъа болагъан кёмегин этежегине инандыра.
С.Тагьирова чарада ортакъчылыкъ этгенлеге, кёмек къолун узатгъанлагъа, яшланы яшавун аз буса да шат этмеге къарагъанлагъа баракалла билдирди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
