Меню
16+

Сетевое издание "Району яшаву"  «Будни района»

15.04.2022 10:21 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Умалатов Рашит Набиюллаевич

Апрель айны 11-нде Къарабудагъгент район администрацияны башчысы Магьмут Амиралиевни иш кабинетинде ДР-ни Избербаш шагьарыны, Къаягент ва Къарабудагъгент районланы дав комиссары Дайитбек Шагьбановну, депутатланы район Жыйыныны председатели Адил Салаватовну, олай да район администрацияны башчысыны орунбасарлары Магьамматгьанипа Зугьумов ва Жалалутдин Жамалутдинов, Къарабудагъгент юртну башчысы Магьамматсолтан Гьасанов, Къарабудагъгент военкоматны касбучусу Гьажимурат Абдуллаев ёлдашланы ортакъчылыгъы булан ёлугъув оьтгерилди. Ёлугъув Аданакъ юртдан Украинада ­оьтгерилеген хас дав операцияда къоччакъ кюйде жан берген Умалатов Рашит Набиюллаевичге оьлген сонг Къоччакълыкъны орденин тапшурувгъа багъышлангъан эди.

Умалатов Рашит Набиюллаевич 1990-нчы йыл Къарабудагъгент районну Аданакъ юртунда тувгъан. Ол Россияны Савутлу гюч­леринде контрактгъа гёре къуллукъ эте эди.

Рашит Умалатовну игит ва къоччакъ ишлерине оьр багьа берилди.

Шо ёлугъувда Къарабудагъгент районну башчысы Магьмут Амиралиев Рашит Умалатовну эркъардашы Халит Умалатовгъа эркъардашы оьлген сонг берилеген Къоччакълыкъ­ны орденин тапшурду. Орденни тапшура туруп, районну башчысы борчун кюте туруп, игит кюйде жан берген Рашитни уьягьлюсюне ва яшына, олай да агьлюсюндегилеге район администрацияны ягъындан болагъан кёмекни этежегине инандырды.

Бирдагъы да Рашит Умалатовну агьлюсюне, дос-къардашына теренден къайгъырышабыз. Гюнагьларындан Аллагь гечсин! Жаны женнетлерде болсун!

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

16