Меню
16+

Сетевое издание "Району яшаву"  «Будни района»

15.04.2022 10:19 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Алиев Расул Сиражутдинович

Апрель айны 12-нде Къарабудагъгент район администрацияны башчысы Ма­гь­мут Амиралиев оьзюню иш кабинетинде ёлугъув ­оьт­герди. Ёлугъувда Каспийск флотилияны денгиз пехота полкуну командири, полковник Павел Зеленский, ДР-ни Къарабудагъгент райондагъы Избербаш шагьар, Къая­гент ва Къарабудагъгент районланы дав комиссары Дайитбек Шагьбанов, районну башчысыны орунбасарлары Магьамматгьанипа Зугьумов ва Жалалутдин Жамалутдинов, Къарабудагъ­гент юртну башчысы Магьамматсолтан Гьасанов, олай да Украинада юрюлеген хас дав операцияда жан берген къарабудагъгентли улан Алиев Расул Сиражутдиновични дос-къардашлары бар эди.

2022-нчи йылны март айыны 1-нде Украинадагъы хас дав операцияда Алиев Расул Сиражутдинович къоччакъ кюйде жан берген. Расул Алиев 1995-нчи йылда Къарабудагъгент районну Къарабудагъгент юртунда тувгъан. 2018-нчи йыл ол Каспийск флотилияны денгиз пехота полкунда контрактгъа гёре асгер къуллугъун кютме башлай. Ол РФ-ни Савутлу Гюч­лерини младший сержантыны къуллугъун кюте эди. ­Юртлубузну къоччакълыгъына оьр багьа берилди.

Каспийск флотилияны денгиз пехота полкуну командири, полковник Павел Зеленский Расулну атасы Сиражутдин Алиевге уланына (оьлген сонг) берилеген Къоччакълыкъны орденин тапшурду.

Районну башчысы Магь­мут Амиралиев оьзюню сёйлевюнде Къарабудагъгент район администрацияны янындан жагьил игитибиз Расул Алиевни уьягьлюсюне, яшларына, ата-анасына бар якъдан кёмегин ва якълавун болдуражагъын айтды.

Бирдагъы да Расул Алиевни агьлюсюне, дос-къардашына теренден къайгъырышабыз. Гюнагьларындан Аллагь гечсин! Жаны женнетлерде болсун!

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

6