Афгъанистан деген атны эшитсем...

Азиз ананг сенден тоюп битгинче.

Армиягъа гетдинг борчунг кютмеге.

Оьзгелердей, уьйлендирип, уьй къуруп.

Болмадылар мурадына етмеге.

Сенден гелген гьар кагъызны охуса.

Тоюп болмай, бавуруна баса эди.

Сен гелгендей, кагъызынгдан сююнюп.

Сен сюеген ашгъа къазан аса эди.

Яй гюнюнде яман хабар етишип.

Ваягьлагъа кёкюреди кёклер де.

Айлар, йыллар гетип заман гетсе де.

Сен къалгъансан, унутулмай, кёплерде.

Ятгъан еринг ярыкъ болсун, Агъайым.

Къыйын бугюн, шиъру язма сени учун.

Оьлю шыплыкъ сав дюньяны тез елей.

Къабурлар бар якъда энни шыплыкъ, чув.

Душманынгны излей къайда чабайым.

Не ерлерден излеп ону табайым?

Дагъы не зат айтып энни йылайым?

«Аллагь этсин!» — деп энглерим хабайым…

Орамлагъа сени атынг къоюлгъан.

Мармар ташдан эсделик де салынгъан.

Гёзьяшлары ашап гёзюн ананы.

Нюрю тайгъан, сабурлугъу алынгъан.

Яралары хозгъалажакъ кёплени.

Бу сёзлени охугъанда, билемен

Бальгьам учун дагъы затны билмеймен.

Ортакъ этип къайгъы дертин бёлемен.

Афгъан давдан бизин асгер чыкъгъанлы.

Бу неченчи, бирдагъы да йыл бите.

Хыйлыланы гёзлеринден яш агъа.

Къайгъы дертлер эсделиклеге элте.

Уьстюнлюкню гюню йимик бугюн де.

Къутламагъа герек онда болгъанны.

Алгъасавда, сакълыкъ булан иш гёрюп.

Сабурлугъу онда къалып къалгъандыр.

Афгъан деген атны бирден эшитсем.

Ирип гете юрегимни явлары.

Сав къайтмады ондан мени агъам да.

Ярты-ярым къайтгъанлар да, савлары

Гюлжанат Темирова