Къутлайбыз
Февраль айны 8-нде Хасавюрт районда ватандашланы бир гюбюн савгъатлав чара оьтген. Савгъатлангъанланы арасында бизин милли республика «Ёлдаш» газетибизни баш редактору Гебек Къонакъбиев де бар. Муниципалитетни башчысыны буйругъунда булай айтыла: «Узакъ йылланы боюнда намуслу загьматы, загьматда етишген оьрлюклери, районну социал-экономика оьсюв ёлун, районну жамият-политика яшавун маълумат къуралларда дурус суратлагъаны, маълумат къуралланы оьсдюрювде этген аслам къошуму саялы, «Ёлдаш» газетни баш редактору Гебек Арзуманович Къонакъбиевге «Хасавюрт район» муниципал къурулувуну «Гьюрметли ватандашы» деген ат берилген.
Эсигизге салабыз, Гебек Къонакъбиев 16 китапны, 3 пьесаны, 200-ден къолай сарынны автору. Ондан къайры да, ол Россияны язывчуларыны ва журналистлерини Союзуну уьюрю, ДР-ни маданиятыны ат къазангъан къулулкъчусу. 20 йылны узагъында район администрацияны структурасында «Айташ» деген муниципал телевидениени директору ва эки йыл Хасавюрт районда чыгъагъан «Вести» деген газетни баш редакторуну орунбасары, муниципалитетни прес-къуллугъуну ёлбашчысы болуп ишлеген.
Язывчу, прозаик, журналист ва драматург Г.Къонакъбиев 1961-нчи йылда Дагъыстанны бырынгъы юртларыны бири Эндирей юртда тувгъан.
Ол Дагъыстан юрт хозяйство институтну ва ДГУ-ну битдирген. 1999-нчу йылда «Айташ» деген телевидениени къургъан.
Биз «Районну яшаву» район газетни коллективи, къалам ёлдашыбыз, «Ёлдаш» газетни баш редактору Г.А.Къонакъбиевни “гьюрметли” атгъа ес болгъанлыгъы булан гьакъ юрекден къутлайбыз. Гележекде де яратывчулукъ ишинде уьстюнлюклер, къаркъарасына къатты савлукъ, шат яшав ёрайбыз.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
