«Ана тил»
Ана тил – алтын ачгъыч,
Билим хазна ачагъан.
Бары къатарбашлагъа
Билим урлукъ чачагъан.
Мен азиз къумукъ халкъым, сют ийисли къумукъ тилим булан оьктем боламан. Гьар адам оьзюню ана тилин, элин сюйме герек. Шо гьакъда бизин белгили къумукъ шаирлерибиз де яза. Мен оланы пагьмусуна гьайранлыкъ этемен. Ана тилин сюймей эди буса, шолай арив язып да болмас эди. Биз адабият дарсда кёп яратывчулукъ иш юрютебиз. Сатырланы тувулунагъан кююне мен гьайранлыкъ этемен. Кёкде булутлар тувулунагъандай, юрекде сатырларда тувулуна. Ана тилде биз кёп затгъа уьйренебиз. Мен къумукъ халкъымны, ана тилни байлыгъыны гьайлегинде оьсемен, яйнайман. Яша ана тилим!
Мени азиз къумукъ халкъым дюньяны не еринде де яшай. Мен оланы къумукъ тилни гётерме, огъар абур этме чакъыраман! Мен Къумукъ тюзде тувуп оьсген къумукъ къызман. Къумукъ тилге мени гьаваслыгъым гюнден-гюн арта. Мен ана тилге багъышлап шиъру яздым. Магъа муаллим де гёз къаратды.
Къызыман эрке оьсген
Аявлу къумукъ элни,
Къумукъгъа арив ошай
Бек билсе къумукъ тилни.
Марият Абужаева, 3-нчю «б» класны охувчу къызы
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
