«Ана тил»
Гьар яшгъа ана тили
Оьзю учун аявлу.
Яшайгъан яшавубуз
Ана тилге байлавлу.
Мени ана тилим – къумукъ тил. Мени къумукъ халкъым татывлу яшайгъан, намуслу халкъ. Магъа ана тилим бек аявлу. Ана, «Ана тил» булар бир-бири булан байлавлу. Анам магъа ана тилимни уьйретме бешик йырлардан башлагъан. Мен къумукъ тилде чыгъагъан «Къарчыгъа» журналны охуйман. Онда къумукъ оюнланы гьакъында яза. Алда къумукъ яшлар не оюнланы ойнай болгъанны айта, къумукъ халкъны адатлары булан бизин таныш эте. Мени ана тилим уллу денгиз-дериядай. Теренлиги терен ону, байлыгъы бай, деп язылгъан ана тил гьакъда. Мени ана тилиме гюнден-гюн оьсме насип болсун! Мен къумукъ элиме пайдалы болуп оьсме сюемен.
Уллу гьакимлер де бар
Ана тилин билмейген
Оьзюню сют тилине
Сюювю де гирмейген.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
