«Ана тил»

Мени ана тилим арив, асил тиллени бириси. Мен къумукъ халкъымны къызыман. Мени шербет тилиме бакъгъан сюювюм гюнден-гюн артса тюгюл кемимей. Аявлу ана тилим де магъа анам йимик аявлу.

Мен биринчи къолума алгъан китабым «Къумукъ букварь». Нечакъы уллу гьакимлер де бу китапдан билим алма башлагъан. Мен къумукъ дарсланы сюемен ва къулакъасып тынглайман. Адабият дарсда биз кёп затгъа уьйренебиз. Бизин къумукъ шаирлерибизге гьюрмет булан къарайман. Гележекде ана тил дарсланы береген муаллим болма сюемен.

Магъа къумукъ тилни уьйретген муаллимиме савлукъ ёрайман. Бизин къумукъ шаирлерибизни шиъруларын къурч ва чебер охума кёп сюемен. Бизин адабият дарсда муаллим гьар тюрлю къураллар къоллай, “Ёлдаш” ва “Районну яшаву” газетлени, «Къарчыгъа» журналны ол дарслагъа алып геле. «Районну яшаву» газетдеги «Яшланы бокъчасы» деген бёлюкню кёп сююп охуйбуз. Жумада бир керен болагъан къумукъ дарсыбызны къаравуллап къаламан. Ана тилин анасыдай сюйме тарыкъны билемен. Бизин школада юрюлеген мен «Энемжая» кружокда ортакъчылыкъ этемен. Гьар дарсыбызда биз уьйренген шиъруну сагьналашдырып герсетебиз.

Ана тилиме генглеп къулачымны яяман. Ана тилим – асил тил, мен ону бек сюемен.

Асият Алиева, 3-нчю «б» класны охувчу къызы