«Элин сюйме дин де уьйрете»
Алдагъы гюнлерде Доргелиде иш гёреген Россияны халкъларыны мердешли маданиятыны центрыны ёлбашчысы Саламат Тагьированы сиптечилиги булан «Элин сюйме дин де уьйрете» деген гьаракат оьтгерилди. Юртдагъы охув ожакъларыны оьр класларында билим алагъан яшлар булан шо гьаракатны барышында бир-бир охув ожакъланы, жамият ва дин бирлешивлени вакиллери ёлукъду.
ДР-ни милли политикагъа ва дин масъалалагъа къарайгъан министерлигини жамият советине къуршалгъан Дагъыстан гуманитар иститутуну насигьатчысы Женнет Темуракаева, Гуманитар-педагогика коллежини директоруну заместители Ксения Жумагъулова, «Инсан» деген инсаплы фондуну вакили Магьамматтагьир Гьусейнов, Къарабудагъгент районну ярыкъландырывчулукъ бёлюгюню къуллукъчусу Хайрулла Хайруллаев охувчу яшлагъа пайдалы болар йимик лакъыр юрютдю. Инг алда олар ислам динни гьар бусурманны къылыкъ, хасият битимине этеген таъсири гьакъда баянлыкъ берди. Шону булан бирге, асруланы боюнда наслудан-наслугъа къала гелеген халкъыбызны ругь байлыгъын уьйренивню агьамият гьакъда да эсгерди. Тувуп оьсген элине, ата юртуна бакъгъан якъдагъы гьасиретликни гьар кимге де оьзюнде яш заманындан тутуп тарбияламагъа тюшегени гьакъда да айтды. Шондан къайры да, бизин халкъны арасындан чыкъгъан белгили бир-бир адамланы яшав тархларн гёзден гечирди. Сонгда, охувчу яшланы оьрде эсгерилген охув ожакъларда билим алывуну шартлары булан таныш этди.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
