Депутатланы гезикли сессиясы
Ноябр айны 29-нда район администрацияны жыйынлар оьтгерилеген уллу залында район Жыйынны депутатларыны гезикли 16-нчы сессиясы болду.
Сессияны депутатланы район Жыйыныны председатели Адил Салаватов ачды ва юрютдю. Ол оьзюню сёйлевюнде залдагъыланы сессияны гюнлюк иш низамы булан таныш этди. Шо гюн шулай масъалалагъа къаралды:
«Район Жыйынны депутатларыны 2021-нчи ва планлы кюйде 2022-2023-нчю йыллагъа къабул этген район бюджетине алмашынывлар этив»
«Район Жыйынны депутатлары биринчи охувда къарагъан «Къарабудагъгент районну 2023-нчю, планлы кюйде, 2024, 2025-нчи йыллагъа ерли къабул этген проектни тасдыкъ этив».
«2022-нчи йылны январ айыны 1-не муниципал есликдеги объектлени реестрын тасдыкъ этив».
Муниципал есликдеги топуракъ гесекни, 200 кв.м. Дагъыстан республиканы пачалыкъ еслигине, социал къуллукъланы кютеген объетлер ерлешдирмек учун разилик бермек.
Оьрде арагъа салынып ойлашылгъан масъалалагъа гёре район администрацияны акъча ишлер управлениесини ёлбашчысы Абубакар Шагьманаев, районну топуракъ, мал-матагь аралыкълагъа къарайгъан бёлюгюню ёлбашчысы Солтан Халилов ёлдашлар гьисап бердилер. Олар оьрде гётерилген масъалалагъа байлавлу муниципалитетде этилеген ишлени депутатлагъа етишдирдилер.
Сессияны ахырында район Жыйынны депутатлары гётерилеген масъалалагъа байлавлу тийишли къарарлар къабул этдилер.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
