Агьлюлер булан ёлугъув
Алдагъы гюнлерде районубузну башчысы Магьмут Амиралиев Къарабудагъгент юртдан Украинада юрюлеген хас дав чарада ортакъчылыкъ этген ва жанлары къурбан болгъан Расул Алиевни, Магьамматмухтар Миятлиевни, Исмайыл Гьюсейновну ва Уллубий Сурхаевни агьлюлери булан ёлугъув оьтгерди.
Ону шо сапарында район администрацияны башчысыны орунбасары Жалалутдин Жамалутдинов, тамазаланы советини ёлбашчысы Абдулгьамит Мамагишиев, къатынланы советини ёлбашчысы Гюлжанат Темирова, УСЗН-ни (собес) ёлбашчысы Гюлбарият Гьажиева, военкомну баш кёмекчиси Гьажимурат Абдуллаев ва Къарабудагъгент юртну башчысы Магьамматсолтан Гьасанов узатдылар.
«Алдагъы гюнлерде Россияда Ананы гюню белгиленди. Шо гюнде, гьаманда йимик, биз аналаны эсгеребиз, олагъа гьюрмет этебиз.
Сизге буса айрыча абур этилмеге тийишли. Неге тюгюл де, сиз абургъа лайыкълы уланлар оьсдюргенсиз ва олагъа тарбия бергенсиз. Сиз оланы тарбиялайгъанда, Ватанны сюймеге ва огъар амин болмагъа герек дейген пикруну сингдиргенсиз.
Озокъда, биз не этсек де ва не айтсакъ да, дав майданда къурбан болгъан уланларыгъызны къайтармагъа болмайбыз, сизин юреклеригиздеги пашманлыкъны биз сезмеге бажармасбыз. Болса да, яшавлукъ ва туруш масъалаларыгъызны чечмек учун чалышмагъа къаст этежегимни билдиремен. Мени иш кабинетимни эшиклери сизин учун даим ачыкъ», — деп эсгерди оьзюню сёйлевюнде районну гьакимбашы Магьмут Амиралиев.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
