Охувчулар булан ёлугъув
Алдагъы гюнлерде, ачыкълашдырып айтсакъ, 22-нчи ноябрде, Къарабудагъгент хас (коррекция) школа-интернатда эсгерилген охув ожакъны 8-9 класларыны охувчулары къуршалып яшны ихтиярларын якълавну халкъара гюнюне багъышлангъан «Яшёрюмлени жавапчылыгъы» деген гьаракат оьтгерилди.
Гьаракатны онгаргъан ва юрютген эсгерилген охув ожакъны психологу Т. Сулейманова ва социальный педагогу У.Агъабекова.
Сонг да, шо гьаракатда Къарабудагъгент районну прокуроруну кёмекчиси Денис Семедов ва яшёрюмлени ишлерине къарайгъан бёлюгюню инспектору С.Мутагьирова оьзлени ортакъчылыгъын болдурдулар. Шо ёлугъувда олар охувчулагъа яшланы ихтиярларын якълавгъа байлавлу къабул этилген халкъара Конвенцияны аслу гесимлери булан таныш этди ва охувчу яшлар кютмеге тюшеген борчларыны гьакъында айтды.
Гьаракатны барышында яшлар бек агьамиятлы тынглап, оьзлени ихтиярлары, алдында токътагъан борчлары гьакъда билмеге ва оьзлени тергевюн тартгъан соравлагъа гелген къонакълардан толу жаваплар алмагъа болгъан.
Эсгерилген охув ожакъны къуллукъчуларыны гьаракаты булан охувчу яшлар булангъы «дёгерек стол» къурумлу кюйде оьтгерилди. Шолай агьамиятлы гьаракатланы оьтгерив оьсюп гелеген яш наслуну гележеги учун бек пайдалы.
Добавить комментарий
Добавлять комментарии могут только зарегистрированные и авторизованные пользователи. Комментарий появится после проверки администратором сайта.
