Меню
16+

Сетевое издание "Району яшаву"  «Будни района»

21.01.2022 10:26 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Депутат Къурбуки юртда…

Январ айны 16-нда ДР-ни Халкъ Жыйыныны депутаты Залбеков Далгьат Магьамматсайитович Къарабудагъгент районну Къурбуки юртунда болгъан. Ол «Къурбуки юрт» муниципал къурулувну башчысы булан юртда 2021-нчи йыл ишге берилген социал объектлер булан ювукъдан таныш болгъан.

Олар «Местные инициативы» деген программагъа гёре къурулгъан Центральный орамдагъы пешеход ёлгъа, «Благоустройство сельских территорий» деген программагъа гёре этилген «Карабудахкентская» орамдагъы пешеход ёлгъа, «Центральная» орамны ва кёпюрню 2 чакъырымына республика бюджетден этилген ремонт ишлеге, «Мой Дагестан – Мои дороги» деген программагъа гёре 800 метр ерге асфальт салынгъан «Заречная» орамгъа, 700 метрге асфальт салынгъан «Пионерская» орамгъа, «Къарабудагъгент район» муниципал районну ёл фондуну янындан 150 метр ерге асфальт салынгъан «Центральная», олай да асфальт салынгъан «Карабудахкентская» орамлагъа къарагъанлар.

Этилген ишлеге къарагъан депутат ишни сан янына разилигин англатгъан.

«Къурбуки юрт» администрацияны башчысы М.Маматгереев ДР-ни Халкъ Жыйыныны депутаты Д.Залбековну 2021-нчи йыл юртда этилген ишлени гьакъындагъы толу гьисап булан, 2022-нчи йыл этилмеге плангъа гирген ишлер булан таныш этген. Д.Залбеков оьзюню ягъындан юрт администрациягъа, олай да юрт Жыйынны депуталарына бары да социал масъалаланы ва программаланы чечивде оьзюню ягъындан кёмегин болдуражагъын айтгъан.

«Къурбуки юрт» муниципал къурулувну администрациясы юртлуланы атындан Далгьат Залбековгъа, юртуну социал масъалаларын чечивде актив кёмегин болдурагъаны саялы, баракалла билдире.

Оьз мухбирибиз

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

2