Меню
16+

Сетевое издание «Будни района»

03.09.2021 10:31 Пятница
Категория:
Если Вы заметили ошибку в тексте, выделите необходимый фрагмент и нажмите Ctrl Enter. Заранее благодарны!

Метод бирлешивню генгеши

Август айны 26-нда Къарабу­дагъгент район билим берив управлениесини математика, физика информатика дарсланы муаллимлерини методика бирлешивюню адатлы, гезикли генгеши оьтгерилди. Генгешде районну школаларындан гелген математика, информатика,дарсланы методика бирлешивлерини ёлбашчылары ортакъчылыкъ этди.

Метод бирлешивню генгешинде, ­оьтген охув йылны гьасиллери чыгъарылды, янгы охув йылда билимлени сан янын гётермек учун этилмеге герекли ишлер гёз алгъа тутулду.

Генгешни ишинде математика, физика, информатикадан оьтген охув йылны ЕГЭ-лерини гьасиллери анализ этилди.

Математикадан гетген охув йыл 41 выпускник экзамен берди, оланы 14-сю экзаменни берип болмады, физикадан экзамен берген 20 выпускникден 1-си, информатикадан 8 выпускникден 1-си экзаменлени бермеди. Оьр къыйматлагъа математикадан 2 выпускник (Алим Гьажиев ва Лайла Умарова), физикадан – 1 (Алим Гьажиев) информатикадан да – 1 (Алим Гьажиев) выпускник ес болду.

Методбирлешивню генгешинде яхшы ва гёрмекли гьасиллер булан бирче билим беривню осал янлары да эсгерилди, демек гетген йыл булан тенглешдиргенде математикадан выпускниклени билимлерини сан яны тёбенлешгени эсгерилди.

Шо кемчиликлени тайдырмакъ учун районну бары да школаларында педсоветлер, ата-аналар булан жыйынлар, выпускной класларда ишлейген предмет муаллимлер булан семинарлар оьтгермеге, гьар охувчу булан плангъа гёре иш юрютмеге тапшурувлар берилди.

Район генгешни оьтгеривде актив кюйде ортакъчылыгъын болдургъан Къарабудагъгент гимназияны муаллимлери И.Арсланбекова ва Н.Давутова ОГЭ ва ЕГЭ-лени гьазирлевде охувчулар булан оьзлер оьтгереген иши гьакъда айтды, оьзлени иши ва иш сынаву булан жыйылгъанланы таныш этди.

Добавить комментарий

Добавлять комментарии могут только зарегистрированные и авторизованные пользователи. Комментарий появится после проверки администратором сайта.

3